Debati për anulimin e vizitës së
kreut të sigurimit grek në Tiranë

TIRANE- Autoritetet shqiptare kanë mbajtur “sekret”, axhendën e një vizite në Tiranë, të Shefit të Inteligjencës greke, Janis Roubatis, e planifikuar për tu zhvilluar në datën 30 Qershor të këtij viti. Vizita nuk është realizuar për arsye të protestave të dhunshme në Greqi, por lajmi është bërë i ditur gjatë një debati në mbledhjen e Konferencës së Kryetarëve, ku kanë marrë pjesë kreu i Kuvendit Ilir Meta, ministrat Shkëlqim Cani dhe Ermonela Felaj, si dhe deputetët, Gramoz Ruçi, Petrit Vasili, Arta Dade, Eduard Shalsi, Spartak Braho, Erion Braçe, Albana Vokshi, Fatmir Xhafaj dhe Majlinda Bregu, të cilin e zbardh sot shqiptarja.com.

Mbledhja është zhvilluar mesditën e 29 Qershorit, me rend dite marrjen e një borxhi nga qeveria shqiptare tek “Deutsche Bank” dhe propozimin e projektligjit “Për Eurobondin”, për daljen në tregun e bondeve gjatë vjeshtës. Ministri i Financave, Shkëlqim Cani ka kërkuar nga Kuvendi miratimin me procedurë të përshpejtuar të dy marrëveshjeve në fjalë, nisur nga efektet e menjëhershme në ekonominë shqiptare të krizës greke, e cila përpara nënshkrimit të marrëveshjes me kreditorët, ndodhej në prag kolapsi.

TAG:
• gramoz ruçi