Debati për ASH, LSI:Rama anti
shkencës, reformim, jo asgjësim

LSI përmes kryetarit të grupit, Petrit Vasili ka reaguar sërish për atë që po ndodh në Akademinë e Shkencave.
 
Sipas Vasilit, Akademia e Shkencave ka nevojë për reformim, por jo për inkuizicionin financiar të Kryeministrit.
 
Vasili thotë se Shkenca nuk ka nevojë për asgjësim, rrethim dhe izolim.
 
“Akademia e Shkencave ka nevojë për reformim, por jo për inkuizicionin financiar të Kryeministrit.
 
Shkenca nuk ka nevojë për asgjësim, rrethim dhe izolim.
 
Shkenca ka nevojë për mbështetje, përkrahje, legjislacion të ri të përparuar dhe reformë të thellë.
 
Inkuizicioni mesjetar i kryeministrit pjellë e padijes dhe anti-shkencës” shprehet ai në Facebook.
 
Ky ishte reagimi i dytë i Vasilit, pasi paradite sërish përmes Facebook ai akuzoi Ramën se kërkon të marrë godinën e Akademisë së Shkencave.
 
Gudar Beqiraj u zgjodh sot kryetar i Akademisë së Shkencave me 24 vota, pa asnjë rival. Ndërsa zv/kryetar i ASH u zgjodh ish-kryetari, Myzafer Korkuti.
 
Beqiraj dhe Korkuti këmbyen vendet me njëri-tjetrin në postet kyçe të Akademisë së Shkencave duke sjellë reagimin e fortë të qeverisë.
 
Pas zgjedhjes së kryetarit të ASH, Rama u shpreh se "Meqë "Akademia" zgjodhi farsën uroj të gjejnë dhe fondet për vijimin e farsës!Fondet tona do t'i shkojnë universitetit për kërkim shkencor."


dy.b/shqiptarja.com
 

TAG:
• akademia e shkencave