Debati presidencial mes Donald Trump dhe Kamala Harris është diskutuar shumë gjatë ditës së sotme në shumë media ndërkombëtare. Edhe në Studio Live me Arbër Hitajn u debatua paraqitja e dy kandidatëve për president. Eksperti i Marrëdhënieve Ndërkombëtare Geron Kamberi shikon një avantazh të Kamala Harrisit pas këtij debati.
'Zonja Harris e përballoi me sukses, me një personazh të stërvitur në botën e tv dhe që ka pasur një mandat në shtëpinë e bardhë. Si një ndeshje, mund të thoshja që ajo shënoi një gol në pikëpamje që theu pritshmëritë e skeptikëve ndaj saj. Ajo arriti të kishte performancë të pëlqyeshme. Edhe një mbështetës i Trump si Elon Musk kishte mbetur i surprizuar nga ajo. Besoj se do kemi edhe debate të tjera. Edhe në debate të mëpashme me zonjën Klinton, kishte kapacitet tjetër, të gjithë sondazhet e përkrahnin ndërsa rezultati ishte krejt tjetër.'
Eksperti Ledjon Krisafi thekson se debati ishte i qetë dhe nuk kishte sulme të ndërsjella.
'Ishte një debat normal i qetë më i qetë seç pritej. Nuk kishte sulm. Nga ana e Trump ishte taktikë. Nuk mendoj se fitoi njëra nga palët. Ishte barazim. Dukej si monolog. Testin e kaloi Kamala Harris. Trump njihet. Harris ka patur probleme me debatet. Këto kohë ka dalë vetëm një herë në CNN. Ajo e kaloi testin. Në thelbin e argumenteve ngeci. Në pyetjen nëse amerikanët janë më mirë se para 4 vjetësh nuk u përgjigj, tha se vij nga klasa e mesme dhe do bëj gjithçka për ta. Kur i bën një pyetje kaq thelbësore dhe çalon duket tek elektorati. Në pjesën e politikave deri diku pati disa çalime nga ana e Harris. Nuk bëri ndonjë gafë tregoi politikën e vet. Edhe Trump tregoi politikën e vet. Shumica dërrmuese e amerikanëve e kanë vendosur për kë do votojnë.'
Gazetari Gentian Gaba shton se Harris debutoi me një farë sigurie në debat, pasi më parë nuk ka pasur shumë dalje të saj në media.
'Ishte një debat disi normal në të cilën njerëzit prisnin zhvillime të çuditshme. Me shumë gjasa nuk do ketë një debat tjetër dhe palët nuk do donin të gabonin. Trump kishte mundësi të kalonte në epërsi që në fillim. Trump e humbi shansin në fillim. Kamala Harris debutoi me një farë sigurie. Në aspektin e komunikimit të dyja palët ishin përcaktuar mirë gjestet e trupit. Kishin bërë prova. Pati një barazim në përgjithësi. E mira që nuk pati teprime përveçse ato momente që ABC konsiderohen nga mbështetësit e Trump si paragjykuese ndaj tij.'
Lajme të tjera
-
Planet e administratës Trump për t’i dhënë fund luftës në Gazë
25 Dhjetor, 16:49 -
Trump do të blejë Grenlandën, Danimarka rrit shpenzimet për mbrojtjen e ishullit
25 Dhjetor, 14:06 -
Kërcimi viral i Donald Trump për Krishtlindje (VIDEO)
25 Dhjetor, 13:29 -
Vigjilje Krishtlindjesh, Pastori Akil Pano: Ngjarja më e madhe në besimin e krishterë! Të hapim zemrën e të ndihmojmë njerëzit në nevojë
24 Dhjetor, 19:23 -
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47 -
SHBA/ Komisioni i Etikës akuzon ish-ligjvënësin e Floridas, Matt Gaetz se pagoi rregullisht për seks, përfshirë një minorene
24 Dhjetor, 14:45 -
Trump tha se do të blejë Groenlandën, kryeministri i vendit i përgjigjet: Nuk jemi në shitje
24 Dhjetor, 14:16 -
‘Ford’ jep një milion dollarë donacion për inaugurimin e Presidentit Trump
23 Dhjetor, 20:39 -
Presidenti i zgjedhur Trump përsërit thirrjen për të blerë Groenlandën
23 Dhjetor, 20:10 -
I dërguari special për Ukrainën dhe Rusinë/ Trump emëron gjeneralin Keith Kellogg për një fund të shpejtë të luftës
23 Dhjetor, 10:11
