POP 5

Lajmet më të lexuara të 5 minutave të fundit

Sport

Debutoi si titullar, por inkursionet e Brojës s'mjaftojnë për Chelsea-n kundër Brentford! M.United i fortë për Tottenham, fiton edhe Reali

Në javën e 11 të Premier League sulmuesi shqiptar Armando Broja debutoi për herë të parë si titullar me Chelsea-n, por pavarësisht përpjekjeve nuk arriti të realizonte. Sakaq Manchester United mposhti pastër 2-0 Tottenham, ndërsa në La Liga Real Madrid kaloi lehtë Elche-n falë edhe ‘Topit të Artë’ Karim Benzema.

Armando Broja tani nuk është më thjesht një zëvendësues te Chelsea. Bomberi shqiptar të mërkurën debutoi për herë të parë si titullarë me fanellën e bluve të Londrës, por fatkeqësisht nuk mjaftoi që të dilnin me fitore në fushën e Brentford, pasi 90 minutat u mbyllën me rezultatin e bardhë 0-0. 21-vjeçari në pjesën e parë ishte i papërmbajtshëm, duke bërë edhe disa inkursione personale, por pa i konkretizuar. Sakaq në të dytën, pasi mbushi një orë lojë u zëvendësua nga trajneri Graham Poter.

Ndërkohë për javën e 11 të Premier League Liverpool mori një tjetër trepikësh pas atij me Manchester City-n. ‘The Reds’ mposhtën 1-0 Ëest Ham falë golit të realizuar nga Nunez në minutën e 22.

Sa i përket superpërballjes mes Manchester United dhe Tottenham ‘djajtë’ fituan pastër 2-0, me golat e Fred dhe Bruno Fernandes. Përveç rezultatit të besuarit e Conte-s zhgënjyen edhe në lojë, pasi nuk lanë asnjë shenjë në këtë ndeshje. Pa probleme 90 minutat nuk u mbyllën as për United, pasi Ronaldo, i lënë në stol përgjatë gjithë sfidës, u largua drejt dhomave të zhveshjes pa përfunduar ende takimi.

Ndërkohë në ‘La Liga’ Topi i Artë Karim Benzema ishte vendimtar në fitoren 0-3 kundër Elche-s. Fillimisht zhbllokoi Valverde, ndërsa më pas Benzema dyfishoi pas dy golave të anuluar me VAR për pozicion jashtë loje. Për këtë arsye francezi nuk festoi menjëherë në minutën e 75’, por priti konfirmimin e teknologjisë. Për të vulosur shifrat dhe tre pikët mendoi Asensio, i cili e mban Realin për të paktën edhe një javë në krye të La Liga-s.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • cuko: 21/10/2022 23:24

    Nje Hysaj tjeter . lojtar medioker

    Përgjigju
  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Petraj për 21 Janarin: Berisha s’i shpëton dot përgjegjësisë, të gjithë do merren të pandehur! Të analizohen personat në audio, u rikuperuan pamje nga serverat! Pse qëlloi Garda?

Petraj për 21 Janarin: Berisha s’i shpëton dot përgjegjësisë, të gjithë do merren të pandehur! Të analizohen personat në audio, u rikuperuan pamje nga serverat! Pse qëlloi Garda?

22 Janar, 19:06