Dega e PD-së në Berat, nëpërmjet Gazmend Azizit, deklaroi se arrestimet u trumbetuan me të madhe nga qeveria si pjesë e suksesit të luftës ndaj korrupsionit dhe kontrabandës, por çudia nuk zgjati shumë. Sipas degës së PD në Berat, vendimi për rikthimin e tyrë në punë është marrë për të fshehur provat.
“Arrestimet u trumbetuan me të madhe nga qeveria si pjesë e suksesit të luftës ndaj korrupsionit dhe kontrabandës, por çudia nuk do të zgjaste shumë, pasi menjëherë pas vendimit të Gjykatës së Apelit për tu gjykuar në gjendje të lirë dhe dhënies së masës “detyrim paraqitje”, Drejtoria e Doganave i rikthen ata në punë”, deklaroi Gazmend Hazizi.
Në qershor u arrestuan 3 punonjës së Doganës së Beratit dhe drejtori i këtij institucioni, Elvis Plaku. Pas vendimit të Gjykatës së Apelit, tashmë ata do të hetohen në gjendje të lirë për veprat penale “ shpërdorim detyre”, “korrupsion” dhe “kontrabandë në bashkëpunim”.
Sipas PD Berat, Kontrolli i Lartë i Shtetit ka zbuluar një dëm 1 milionë dollar në doganën e Beratit.
Redaksia Online
Al.Ç/Shqiptarja.com