POP 5

Lajmet më të lexuara të 5 minutave të fundit

Politikë

Dëgjesë me ambasadorët e rinj, Petrit Malaj propozohet për Prishtinën: Do çoj diplomacinë në nivel tjetër! Kodheli: Njohja e Kosovës, detyrim

Me eksperiencën mes karaktereve të personazheve Petrit Malaj zgjidhet nga Shqipëria si i duhuri për të shkrirë marrëdhënien e ngurtë të krijuar mes Shqipërisë dhe Kosovës. Mimi Kodheli i dha dy këshilla se në Kosovë nuk do të jetë vetëm Ambasador. Në dëgjesë dhe Bardhyl Canaj në Serbi e Qirjako Qirko në Hungari

Aktori Petrit Malaj është i zgjedhuri për të shkrirë marrëdhëniet e ngurta e të tensionuara së fundi mes Shqipërisë dhe Kosovës.

“Nuk do ndalem në asnjë mur apo pengesë .... Kjo përgjegjësi do të përmbushet me nder e mençuri për interesin e të gjithë shqiptarëve.”- thotë Malaj.

Si kandidat për ambasador Petrit Malaj prezantoi objektivat e punës në komisionin për politikën e Jashtme.

‘Marrëdhënien vëllazërore Shqipëri-Kosovë do ta çoj në një nivel tjetër. Do të punoj që bashkëpunimi në nivel ekspertësh të jetë në vazhdimësi për të sjellë zgjidhje të qëndrueshme për çështje me interes të përbashkët. Bashkëpunimi me Kosovën është jetik. Procesi i Berlinit ofroi një mundësi të mirë që Kosova të jetë e barabartë. Do të jem katalizator i zhvillimit të mëtejshëm për bashkëpunim në arsim, art e kulturë.- tha ai.

Për situatën mes dy vendeve, Mimi Kodheli kërkoi ti japë disa këshilla Malajt.

“Marrëdhënia e një ambasadori që përfaqëson Shqipërinë në një vend si Kosova ku vijon të ketë mision NATO dhe rrugëtimi i saj janë dy gjëra që ambasadori ynë duhet ti ketë në axhendën e tij të përditshme. Aderimi i Kosovës në organizma ndërkombëtarë është proces shumë i rëndësishëm i cili duhet të ketë pa kushte mbështetjen e Shqipërisë dhe ne këtë kemi mësuar si ta bëjmë dhe do vijojmë ta bëjmë. Po ashtu edhe procesi i njohjes vijon të jetë një detyrim i ambasadorit shqiptar në Kosovë.”- tha Kodheli.

Pasi la Izraelin, Bardhyl Canaj ishte shterrues në dëgjesën e tij si kandidat për ambasador i Shqipërisë në Republikën e Serbisë.

“Angazhohem që të punoj me të gjitha forcat e mia për përparimin e marrëdhënieve dhe shmangien e problematikave.”- thotë Canaj.

Në komisionin e politikës së Jashtme duke lënë Mbretërinë e Bashkuar Qirjako Qirko u prezantua si kandidat për diplomat në Hungari. Pak ditë më parë Presidenti Bajram Begaj dekretoi 6 ambasadorë të rinj Vasilika Hysi ambasadore në OKB, Ilir Gjoni në NATO, Mustafa Nano në Zvicër, Uran Ferizi në Mbretërinë e Bashkuar, Majlinda Frangaj në Vatikan, Fatmir Velaj në Austri.

G.MO/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29