POP 5

Lajmet më të lexuara të 5 minutave të fundit

Politikë

Deklarata e Ardjan Çapjas/ ‘Rithemelimi’ e përdor për të sulmuar Taulant Ballën: I lidhur me bandat në Elbasan

Deklarata e Ardjan Çapjas në GJKKO është shfrytëzuar politikisht nga ‘Rithemelimi’ duke  kthyer në një akuzë të drejtpërdrejtë, kreun e grupit të PS-së, Taulant Balla.

TIRANË- Deklarata e Ardjan Çapjas në GJKKO është shfrytëzuar politikisht nga ‘Rithemelimi’ duke  kthyer në një akuzë të drejtpërdrejtë, kreun e grupit të PS-së, Taulant Balla. Ndonëse nuk ka asnjë dokument apo fakt që vërteton se politikani me emrin “Taulant” që përmendi Çapja është pikërisht Balla, ‘Rithemelimi’ me anë të zëdhënëses Floriana Garo duke thënë se është i përfshirë në bandat e Elbasanit.

"Në Parlamentin shqiptar, një deputet i Rilindjes, emrin nuk e ndërron kurrë si disa kolegë të tij, por mbiemra ka disa.  Ndryshe nga personazhi i filmit artistik shqiptar “Taulanti kërkon një motër”, Taulanti-deputet kërkon një mbiemër.  Herë na shfaqet si Balla, herë Bego, herë si Gurra, e herë tjetër si Xibraka.  Emri i tij, pa mbiemër, u shfaq para dy ditësh edhe në dëshminë e biznesmenit elbasanas, i akuzuar nga drejtësia për disa vepra penale, Ardian Çapja. 

Si politikan, por edhe me një spaletë të re: si vrasës.  Çapja dëshmoi se avokati i tij Ravik Gurra është vrarë para tre vitesh për arsye se zotëronte përgjime të cilat implikonin një politikan të lartë. Emri i të cilit është Taulant.  Partia Demokratike dhe kryetari i saj e kanë denoncuar pafund implikimin e Taulant Ballës në aferat dhe aktivitetet e bandave të Elbasanit, konkretisht me Gentian Sharrën, me të cilin ekzistojnë qindra biseda telefonike.  Emri i tij është shfaqur edhe në dëshmitë e të penduarve të drejtësisë. Nuredin Dumani e ka përmendur emrin e tij, si funksionar i lartë i Partisë Socialiste në dëshminë e tij për prokurorët. Por nga Dumani deri te Çapja, Taulant Balla ka shkuar nga politikan i korruptuar në politikan qe porosit vrasje. 

Partia Demokratike i kërkon SPAK të hapë dhe të hetojë dosjen e avokatit Ravik Gurra. Nëse organet e drejtësisë nuk ndajnë politikanët nga kriminelët dhe politikanët kriminelë nga politika, ata bëhen përgjegjës të drejtpërdrejtë për humnerën dhe rrezikun që i kanoset Shqipërisë.  Implikimi i politikanëve të lartë të qeverisë me malavitën vjen tashmë nga disa burime. Denoncimi i vazhdueshëm i bandave dhe lidhjeve të tyre politike ka qenë një moto e kësaj foltoreje.  Ja pse protestohet ndër të tjera më 6 dhjetor. Për t’i thënë Europës dhe përfaqësuesve të saj se diçka nuk shkon në Shqipëri. Politika dhe krimin janë bërë një.  Ata që e duan atdheun do ta kuptojnë. Ata që e kanë shitur dhe futur në llogari offshore do të bërtasin. Taulantit që kërkon mbiemër do t’i duhet së shpejti të kërkojë edhe avokat për secilin llagap", tha Garo. 

Një ditë më parë, i vënë nën akuzë si porositës i vrasjes së dyfishtë të babë e bir në Elbasan, Ardian Çapja, në seancën e përballjes me dëshmitarin e drejtësisë, akuzoi politikën se është e përfshirë pas vrasjes së avokatit të njohur Ravik Gurraj. Nëse kjo vrasje zbardhet, pretendoi Çapja, do "zbulohen thesare".

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça