Ambasadori britanik në Shqipëri, Alastair King Smith është paraqitur sot në ministrinë e Punëve të Jashtme ku ka marrë një notë verbale mbi deklaratën e ministrit britanik të Emigracionit, Robert Jenrick i cili me tone të ashpra, bëri thirrje që oficerët e emigracionit të kapnin çdo shqiptar dhe t’i dërgonin drejt Tiranës.
Përmes kësaj Note Verbale, Ministria e Punëve të Jashtme, paraqiti shqetësimin për deklaratën më të fundit me gjuhë diskriminuese ndaj shqiptarëve nga ana e Ministrit të Shtetit për Imigrimin Robert Jenrick. Në reagimin e ministrisë theksohet se kjo retorikë e përsëritur cënon frymën pozitive të bashkëpunimit bilateral të konfirmuar në Deklaratën e Përbashkët mes Kryeministrit të Republikës së Shqipërisë Edi Rama dhe Kryeministrit Britanik Rishi Sunak, në të cilën ndër të tjera ndahet vlerësimi i përbashkët për rolin e diasporës shqiptare në Britaninë e Madhe dhe kontributin e saj të rëndësishëm në kulturën, ekonominë dhe shoqërinë e të dy vendeve.
Në reagimin e bërë të shtunën, ministrja për Evropën dhe Punët e Jashtme, Olta Xhaçka tha se deklarata e ministrit britanik ishte e turpshme dhe tronditëse të bëhej vetëm për të fituar disa vota më shumë.
“Tej mase e tronditur kur dëgjoj një Ministër Shteti përgjegjës për emigracionin të përdori një gjuhë të tillë vetëm për disa vota. "Gjeni shqiptarin, ndaloni shqiptarin"! Një linçim verbal ndaj një kombi të tërë në një gjuhë që tingëllon sikur ministri po shpall sezonin e hapur për shqiptarët vetëm disa javë pas Komunikatës së Përbashkët mes Kryeministrit të Republikës së Shqipërisë dhe atij të Britanisë së Madhe ku vlerësuan rolin e diasporës shqiptare në Britani dhe kontributin e saj të rëndësishëm në kulturë,e konomi dhe shoqërinë e të dy vendeve. Veçim i turpshëm i një komuniteti nga një ministër me parime demokratike që sjell kujtime të tmerrshme me një brutalitet të padurueshëm!”- shprehej Xhaçka dy ditë më parë në reagimin e saj.
Nëpërmjet një videoje të publikuar në rrjetet sociale të premten, ministri britanik i Emigracionit, Robert Jenrick përdori një gjuhë të papranueshme teksa njoftonte nisjen e dhjetëra shqiptarëve drejt Tiranës. Në videon e publikuar, ai shfaqet duke iu referuar shqiptarëve si kriminelë dhe bën thirrje që të kapet secili prej tyre dhe të largohet sa më shpejt drejt Britanisë së Madhe.
Debati për shqiptarët në Britaninë e Madhe ka qenë në qendër të vëmendjes për muaj me rradhë, teksa është raportuar një rritje e konsiderueshme e emigrantëve shqiptarë të cilët përpiqen të kalojnë kanalin e La Manshit për të mbërritur më pas në Mbretërinë e Bashkuar.
Ministri britanik i Emigracionit, nuk është i vetmi nga qeveria britanike që ka bërë deklarata fyese për shqiptarët. Ministrja e Brendshme, Suella Braverman i cilësoi shqiptarët si ‘kriminelë’, duke nxitur reagimin e mijërave emigrantëve shqiptarë që punojnë dhe jetojnë prej vitesh në Britaninë e Madhe. Këta të fundit u ngritën në protestë ku bënë thirrje që Braverman t’u kërkonte falje për deklaratat e bëra.
Ndërsa kryeministri britanik, Rishi Sunak ka bërë me dije se ka arritur një marrëveshje me kryeministrin e Shqipërisë, Edi Rama që azilkërkuesit, emigrantët e paligjshëm shqiptarë dhe personat e përfshirë në ngjarje kriminale të deportoheshin drejt Tiranës.
Komente
Lajme të tjera
-
Basha ngre çështjen 'Salianji' në Këshillin e Europës në Strasburg: Të çojmë përpara vetting-un në politikë, të bllokuar nga mazhoranca
30 Shtator, 13:59 -
Hasani në Washington, merr pjesë në Takimin e Ministrave të Jashtëm të Koalicionit Global Kundër ISIS
30 Shtator, 10:20 -
Mandati i Xhaçkës, Komisioni i Venecias e shqyrton më 6-7 dhjetor, një mision faktmbledhës në Tiranë të dëgjojë palët
25 Shtator, 18:29 -
Një vit nga sulmi në Banjskë, Ministria e Jashtme e Shqipërisë: Drejtësia duhet të vihet në vend pa vonesa dhe justifikime
24 Shtator, 17:40 -
Mandati i Xhaçkës/ Debate në konferencën e kryetarëve! Bardhi: Orientuat votimin, hodhët në erë Gjykatën Kushtetuese! Peleshi: Duhet qartësim, na ndihmon Komisioni i Venecias
17 Shtator, 09:59
-
PS i përgjigjet SHBA-së pse nuk çoi në Kushtetuese mandatin e Xhaçkës! Peleshi: Ka paqartësi! Presim vendimin e Komisionit të Venecias
16 Shtator, 10:36 -
Alban Daci: Dërgimi i vendimit të Gjykatës Kushtetuese në Komisionin e Venecias!
13 Shtator, 20:41
-
Mandati i Olta Xhaçkës/ Spiropali i drejtohet Venecias: A mund të detyrohen deputetët që të votojnë në një mënyrë të caktuar? JA LETRA E PLOTE
13 Shtator, 14:30
-
Abstenimi për mandatin e Xhaçkës, Çollaku: Sot duhet të ishte shpërndarë Kuvendi! Republika ka rënë
13 Shtator, 14:26 -
PS nuk çoi në Kushtetuese mandatin e Xhaçkës, reagojnë ashpër ndërkombëtarët! SHBA: Kuvendi shpërfilli vendimin! BE: S'është hap në drejtimin e duhur
13 Shtator, 12:51 -
PS nuk ‘lëshoi’ Olta Xhaçkën, mandati s’dërgohet në Kushtetuese, Bardhi: Me votë politike të Edi Ramës, u ekzekutua përfundimisht Reforma në Drejtësi! Puç kushtetues dhe regjim diktatorial
13 Shtator, 12:00 -
PS nuk ‘lëshon’ Olta Xhaçkën, mandati s’dërgohet në Kushtetuese! 65 abstenim, 9 kundër, 25 pro! Opozita: Turp! Spiropali: Do i kërkojmë mendim Komisionit të Venecias
13 Shtator, 00:42
Me ne fund, po leviz dicka se 32 vjet shtetit shqiptare ju be kurrizi me gunga.
PërgjigjuNjë note verbale shumë e vonuar. Britania ka kohë që e ka mbushur kupën kundrejt shqiptarëve. Diskriminimi sistematik ndaj shqiptarëve në britani ngjason me diskriminimin nazist ndaj çifutëve.
PërgjigjuNuk esht faji i Britanise por i llumit dhe krimineleve shqiptar qe kan mbushur boten ne droge dhe shtepi bari
Përgjigjunruja investitorit strategjik, ai ta ka fajin eee...
PërgjigjuNuk eshte ide e keqe t'i shpallim lufte Anglise.
Përgjigju