Deklarata e PD për Rexhep Rrajën, reagon sërish Balla: "Babale 2" s'donte drejtësi, Basha në datën 11 tetor...

Kryetari i grupit parlamentar të PS, Taulant Balla, ka reaguar sërish pas deklaratës së PD lidhur me arrestimin e Rexhep Rrajës, djalit të deputetit socialist, Rrahman Rraja për dhunë ndaj ish të dashurës Xhisiela Maloku. Balla thotë se me reagimin e sotëm, PD doli zbuluar se s'ka pasur për qëllim të bëjë drejtësi, por vetëm luftë politike kundër tij personalisht dhe PS-së.

E përshëndes deklaratën e partisë babalokraktike (PD), sepse nxjerr plotësisht zbuluar qëllimin e tyre që nuk ka qenë e nuk është fare drejtësia për vajzën e dhunuar, por lufta e pistë politike me mua dhe Partinë Socialiste! E di që prej vitesh tashmë jam halë në sy për Saliun, Lulin dhe ca sherbëtorëve ordinerë të tyre, se të them të drejtën ka edhe deputetë të PD që janë njerëz normalë.

Taulant Balla, kryetar i grupit parlamentar të PS

Akuzat në adresë të tij se ka qenë i pranishëm në momentin kur ish-oficeri Emiljano Nuhu është kërcërnuar me jetë nga të afërm të djalit të deputetit, Balla i cilëson inskenim dhe i kujton Bashës përballjen në gjykatë në 10 tetor, si i akuzuar për shpifje.

LEXO EDHE:
PD: Të shpallen muzë kombëtar kampi i të Burgosurve në Spaç dhe kampi i internimit Tela me Gjemba në Tepelenë

Nuk më çudit asgjë që ata thonë, bëjnë, nxisin, thurin apo inskenojnë për të më baltosur e cënuar mua. Siç në fakt ishte shpifja e radhës në qershor me paratë e kapura nga Policia e Shtetit, kur në fund i humbur doli Lulzimi e të cilit do t’i duhet të paraqitet më datë 10 Tetor në Gjykatë si i akuzuar. Por kjo deklaratë sot më ka çuditur pak se është e gjitha në mbështetje të qasjes sonë dhe deklarata konfirmon se Luli dhe PD vajzën e dhunuar e duan thjeshtë mish për top në luftën politike! Mezi po pres që Prokuroria të fillojë hetimin mbi kallzimin e depozituar prej meje javën e shkuar dhe të thërrasë edhe të kallzuarin kryesor, Lulzimin! Jam i sigurtë që rezultatet do të jenë të shpejta dhe se regjizori Lulzim bashkë me aktorin e radhës së Babale 2 do të japin llogari para drejtësisë. Sa për Saliun atë e ka kallzuar koha dhe s'ia vlen të merremi me të në këtë rast.

Taulant Balla, kryetar i grupit të PS

TAG:
• PD
• xhisiela maloku
• rexhep rraja
• Rrahman Rraja
• Dosja rraja

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  19.5%

• Jo

  72%

• Nuk e di

  8.5%

Vota total: 3245

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di