Deklaroi se kishte marrë 200 mijë lekë për 4 vota, policia e Lezhës shoqëron qytetarin pas publikimit të videos në rrjetet sociale! Nisin hetimet

Drejtoria e Policisë Lezhë

Policia ka nisur hetimet ndaj një personi në Lezhë, pas shpërndarjes në rrjete sociale të një videoje ku ai deklaronte se kishte marrë  200 mijë lekë për 4 vota, të tijën dhe të familjarëve. Personi me inicialet G.P., u shoqërua në komisariatin e Lezhës, ku u kryen verifikime në lidhje me identifikimin e personave të tjerë të përfshirë në pamjet filmike të publikuara.

Personi me incialet G.P., i cili rezulton si punëtor sezonal në Malin e Zi, tregoi se disa persona me makina i ofruan lekë në këmbim të votës, por ai nuk specifikon personat dhe vendin ku i ka marrë paratë. Për rastin vazhdojnë verifikimet për identifikimin e personave të tjerë të përfshirë.

Ndërkohë kujtojmë se Prokuroria e Posaçme kundër Korrupsionit dhe Krimit të Organizuar (SPAK) ka nisur 33 procedime penale për korrupsion në zgjedhje. Hetimet kanë nisur duke filluar që nga korrupsioni aktiv në zgjedhje, korrupsioni pasiv, shpërdorim detyre apo edhe përdorim i funksionit publik për veprimtari politike ose zgjedhore.

J.SH./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A zgjidhet kriza në PD me një garë të re për kryetar?



×

Lajmi i fundit

John

Nano pyetet për deklaratën e Çuçit se ‘Veliu do largohet kur t’i mbarojë kandili!’, Xhaferraj e komplimenton për përgjigjen