Pas dekorimit të 67 ballistëve ka reaguar edhe zv. ministri i Mbrojtjes, Petro Koçi i cili e ka cilësuar kreun e shtetit si ballist.
 
Koçi thotë se rreshtimi i Presidentit në radhët politike të Ballit Kombëtar është një akt antinacionalist dhe kjo sipas tij  dëshmon që e djathta nuk po distancohet dot nga ish-bashkëpunëtorët e fashizmit.
 
Në fund zv. ministri shprehet se Presidentin ballist e kemi dhurate nga Sali Berisha.
 
Presidenca në një njoftim për shtyp në faqen zyrtare duke cilësuar sulme enveriste, lajmin e dekorimit, ndërsa thekson se bëhet fjalë për 67 nacionalistë që luftuan pushtuesin.
 
Sipas Presidencës, nacionalistët janë ekzekutuar nga dora kriminale e një grupimi të bolshevikëve shqiptarë të orientuar nga të dërguarit jugosllavë.
 
 
Statusi i plotë i Koçit
Rreshtimi i Presidentit ne rradhet politike te Ballit Kombetar eshte nje akt antinacionalist.
 
Kjo deshmon qe e djathta nuk po distancohet dot nga ish bashkepunetoret e fashizmit, ndryshe nga e majta qe eshte distancuar qartazi dhe prerazi nga fajet dhe krimet e komunizmit.
 
Te jesh kunder dekorimit te bashkepunetoreve te pushtuesit nuk te ben komunist.

Antiballistet nuk jane patjeter komuniste apo bolshevike.
 
Ashtu si antikomunistet nuk jane te gjithe balliste.
 
Presidentin ballist e kemi dhurate nga Sali Berisha.


dy.b/shqiptarja.com