Dekreti për zgjedhjet në Dibër
Nishani shkeli Kushtetutën

Zgjedhjet e 11 shtatorit në Dibër për të zëvendësuar Shukri Xhelilin po kthehen në konfliktin më të ri poltik e institucional.

Presidenti duket se ka dekretuar datën në kundërshtim me kushtetutën. Këtë e konfirmon vetë Gjykata Kushtetuese e cila në datë 1 gusht rrezoi kërkesën e Xhelilit për të kundërshtuar shkarkimin.

Burime pranë kësaj gjykate thanë për Shqiptarja.com se vendimet marrin vlerë pas botimit në Fletoren Zyrtare. Ato I referohen nenit 132 të kushtetutës që e thotë specifikisht këtë gjë.

Neni 132

1. Vendimet e Gjykatës Kushtetuese kanë fuqi detyruese të përgjithshme dhe janë përfundimtare. Gjykata Kushtetuese ka vetëm të drejtën e shfuqizimit të akteve qëshqyrton.

2. Vendimet e Gjykatës Kushtetuese hyjnë në fuqi ditën e botimit në Fletoren Zyrtare. Gjykata Kushtetuese mund të vendosë që ligji ose akti tjetër normativ të shfuqizohet në një datë tjetër. Mendimi i pakicës botohet bashkë me vendimin.”

Vendimi i marrë në datën 1 gusht 2016 nuk është publikuar ende, ndërsa botimi i fundit në Fletoren Zyrtare është ai i datës 3 gusht, ndërsa nuk përfshihet vendimi për ish-kryebashkiakun e Dibrës.

Sipas Gjykatës Kushtetuese, publikimi i vendimeve në faqen zyrtare online nuk merr karakter ligjor, por janë thjesht informuese. 

Me të njëjtin argument Partia Socialiste i kërkoi Presidentit të anulojë dekretin dhe të caktojë një datë tjetër për zgjedhjet e Dibrës, 

Nga ana e saj Presidenca ka bërë të qartë se nuk ka ndërmend të ndryshojë datën e zgjedhjeve duke e argumentuar dekretim me njoftimin zyrtar që i ka përcjellë Gjykata Kushtetuese. Në të njëjtën linjë ka qenë dhe Partia Demokratike sipas të cilës PS po mbron Xhelilin.

Shukri Xhelili vazhdon të mbetet në burg pas skandalit seksual të majit, ku ai u filmua teksa kërkonte favore seksuale nga një 20-vjeçare në këmbim të rritjes në detyrë.

Më 13 Maj, ai u shkarkua nga qeveria, ndërsa 2 ditë më pas u arrestua. Vendime të cilin ai ankimoi në Gjykatë Kushtetues edhe atë të Lartë. Të dyja kërkesat u rrëzuan njëra pas tjetrës.

Redaksia Online
l.q/Shqiptarja.com