Dekretoi 6 marsin si datë për zgjedhjet e pjesshme, Meta: Të rehabilitohet institucioni i votës së lirë! Vendimi për shkarkimin tim farsë dhe jashtë të gjitha afateve kushtetuese

Nga Shkodra, presidenti Ilir Meta tha se zgjedhjet e 6 marsit do të jenë një moment i rëndësishëm për të rehabilituar institucionin e votës së lirë. Meta tha se do të dëshironte që në të gjitha bashkitë e vendit të zhvilloheshin zgjedhje, por këtë nuk e lejoi Gjykata Kushtetuese. Meta nuk pranoi që tu përgjigjet akuzave të sekretarit të Përgjithshëm të PD-së, Gazment Bardhi se konsultimet mes trekëndëshit të Bermudës ndodhin çdo ditë.

‘Nuk dëshiroj të bëj replika as serioze as gazmore, është një moment i rëndësishëm për të rehabilituar institucionin e votës së lirë në vend. Është një proces që përfshin disa nga bashkitë kryesore të vendit. Problemet e me të cilat ndeshet vendi ynë kanë të bëjnë me respektimin që duhet të kenë të gjithë për respektimin e votës së lirë. Shumë pasoja kanë ardhur edhe për shkak të bojkoteve në të kaluarën. I nxis aktorët që të ndjekin rrugën e duhur dhe të zhvillojnë në proces shembullor. Presim të punojmë së bashku Maqedoninë e Veriut që brenda muajve të ardhshme të çelim negociatat me BE-në. Nuk ka asnjë shmangie të asnjë forcë politike, që përfaqësohet në Kuvendin aktual apo që është pjesë e sistemit tonë politik. Është një mundësi për të gjithë që të marrë pjesë dhe të kontribuojë. Të favorizuar janë qytetarët që do të kenë në 6 mars të zgjedhin midis të gjithë kandidatëve. Qytetarët prisnin të kishte zgjedhje në të gjitha bashkitë, por vendimi i Gjykatës Kushtetuese e bëri të pamundur.’- tha Meta.

Në lidhje me shtyrjen e seancës së Gjykatës Kushtetuese për shkarkimin e tij, presidenti Meta u shpreh se vendimi nga Kuvendi për shkarkimin e tij, është një farsë dhe jashtë të gjitha afateve kushtetuese.

'Lidhur me vendimin e parlamentit të shkarkuar pas zgjedhjeve të 25 prillit me farsën për shkarkimin e presidentit jashtë të gjitha afateve dhe kushtetutës që të merrte nismën, për një intervistë kaq mjafton për të pasur një atmosferë kaq optimiste dhe pozitive. Në histori do të hyjë 2 mars.'- tha Meta.

Më 9 qershor 2021, Kuvendi i Shqipërisë votoi në favor të shkarkimit të presidentit, Ilir Meta me 104 vota, duke thënë se ai ka kryer shkelje të rënda të Kushtetutës. Deputetët e Partisë Socialiste në pushtet ngritën Komision Hetimor parlamentar, i cili gjeti 17 shkelje të Kushtetutës nga ana e Presidentit. Shkarkimin e presidentit Meta, Partia Socialiste e ka konsideruar si një nevojë për të "çliruar Presidencën nga një pengmarrje". Kjo ishte nisma e dytë përmes një komisioni të dytë hetimor që ngrihet për hetimet e shkeljeve kushtetuese për Ilir Metën brenda 2 viteve, ku mazhoranca kërkon shkarkimin e tij nga detyra. Ngritja e këtij Komisionit Hetimor, nuk është njohur nga vetë Meta.

M.Q.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • SOKOLI: 20/01/2022 15:49

    O LIKE RAKIA O LIKE SHQIPERIA O E KEQJA E DOMOSDOSMJA E TRASICIONIT SHQIPETARE

    Përgjigju
  • Sondazhi i ditës:

    Pritet konferenca e parë ndërqeveritare, mendoni se Shqipëria bëhet anëtare e BE në një kohë të shkurtër?



×

Lajmi i fundit

John

Veliaj në krye të PS së Tiranës, Gjiknuri: Zgjidhja më e mirë në funksion të objektiva politik