POP 5

Lajmet më të lexuara të 5 minutave të fundit

Politikë

Dekriminalizimi/ Gjykata rrëzon padinë e Aqif Rakipit për t'u rikthyer në Kuvend: Shkarkimi, i drejtë

Ish-deputeti Aqif Rakipi humbet drejtën për t'u rikthyer në Parlament aty ku një vit më parë u shkarkua si subjekt i ligjit të dekriminalizimit. ReportTv ka siguruar vendimin e gjykatës Administrative e cila ka rrëzuar kërkesën e Rakipit për të fituar mandatin. Sipas vendimit KQZ ka vepruar drejtë në rastin e heqjes së mandatit për ish deputetin e PDIU-s.

TIRANE-Gjykata Administrative rrëzon padinë e ish-deputetit Aqif Rakipi i cili kërkonte rikthimin në parlament. ReportTv ka siguruar vendimin e gjyqtarit Gentian Hamiti i cili në dhjetor të 2018 ka vendosur lënien në fuqi të vendimit nr.4 të KQZ-s dt. 5 janar 2018 që i hoqi mandatin z.Rakipi. Sipas gjyqtari Hamiti KQZ ka respektuar procedurën në rastin e ish deputetit Rakupi pasi i ka dhënë atij mundësinë e dëgjimit në një proces.

“Po kështu lidhur me procedurën administrative që ka lidhje me nxjerrjen e këtij vendimi, gjykata vlerëson se pala e paditur ka respektuar standardet e procesit të rregullt ligjor, të cilat nuk janë të kufizuara vetëm në procesin gjyqësor, por edhe në atë me karakter administrativ (vendimi nr.7 dt,27.02.2012 i Gjykatës Kushtetuese). Konkretisht Komisioni Qëndror I Zgjedhjeve ka zhvilluar seancën dëgjimore ku z.Aqif Rakipi është përfaqësuar në këtë seancë, nëpërmjet avokatit të tij. Për këtë është mbajtur dhe procesverbali i datës 03.01.2018. Pra paditësit i është dhënë mundësia për tu dëgjuar dhe mbrojtur në këtë procedurë administrative”, argumenton gjykata Administrative.

Rakipi sipas prokurorisë së përgjithshme dhe komisionit qendror të zgjedhjeve u shkarkua si subjekt i ligjit të dekriminalizimit pasi Zyrës Interpol Roma i ka përcjellë Interpol Tiranës, pergjigjen e kerkuar nga Prokuroria e Pergjithshme me këtë përmbajtje: "Pas krahasimit të gjurmëve të gishtave, Aqif Rakipi është raportuar më datë 03.11.1998, për veprën penale të marrjes së mallrave të vjedhur, me gjeneralitete Skender Ejylbegaj, lindur me 24.03.1962, regjistruar më 08.10.1996, me gjeneralitet Aqif Rakipi, lindur me 01.04.1964. Ndërsa Rakipi e mohoi këtë version duke kërkuar në gjykatë mandatin e fituar në zgjedhjet parlamentare të 2017-ës. Mandati ju hoq edhe Gledion Rehovicës ish deputetit të LSI i cili vazhdon të jetë në proces gjyqësor me KQZ ndërsa prokuroria e Tiranës pushoi ndaj tij hetimet për falsifikim të formularit të dekriminalizimit.

(Kliko këtu për të lexuar vendimin e gjykatës Administrative për Aqif Rakipin)

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tregu cam: 02/02/2019 11:07

    Gjyqtari cam qe si jep drejtesi as patriotit tij

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu