POP 5

Lajmet më të lexuara të 5 minutave të fundit

Sociale

Delvinë/ Banorët kontribuojnë për kthimin në identiteti të kishës bizantine

Banorët e Senicës në Delvinë, me kontributet e tyre kanë rindërtuar Kishën e Shën Mëhillit, mbi themelet e kishës së vjetër bizantine që datonte në shek. XIV

Në fshatin Senicë të Delvinës u kremtua festa e Shën Mëhillit me një meshë të veçantë në kishën e rindërtuar duke risjellë një traditë të lashtë për banorët.

Kisha e Shën Mëhillit e ndërtuar fillimisht në shekullin e 14-të është rindërtuar mbi themelet e saj historike falë përkushtimit dhe bashkëpunimit të disa banorëve të fshatit, të cilët me përpjekjet e tyre arritën të rigjallërojnë një vend të shenjtë.

Angazhimi i banorëve në rindërtimin e kishës jo vetëm që pasqyron një akt respekti ndaj trashëgimisë së tyre, por përbën edhe një shenjë të fuqisë së komunitetit për të ruajtur të paprekur besimin dhe unitetin. Halil Shabani, historian dhe arkeolog tregon rëndësinë e kishës së Shën Mëhillit.

 “Në këtë kishë kemi kryer studime më herët dhe kemi gjetur themelet e kishës së vjetër të Shën Mëhillit, kishë e periudhës bizantine. Nga objektet e gjetura, daton në shekullin e 14-të dhe është analogjike me kishën e Shën Mëhillit në Vuno dhe Shën Thanasit në Pecë të Delvinës.”

 

Gjatë meshës, At Gjergji Gjata përçoi mesazhin e tij shpirtëror.

 “Falënderojmë djemtë që kontribuan në restaurimin e kishës dhe kryesorja është të ndërtojmë kishat në zemrat dhe familjet tona.” Fjalët e tij nxitën përkushtimin për ndërtimin e një besimi të qëndrueshëm që kapërcen hapësirën fizike të kishës”.

 

Rindërtimi i kishës përfaqëson jo vetëm një ringjallje të së shkuarës, por edhe një premtim për të ardhmen, duke lidhur brezat dhe duke ndriçuar rrugën e ruajtjes së identitetit të këtij vendi të veçantë.

R.D/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Lezhë/ Vodhën para në një berberhane duke thyer xhamat, kapen dy të miturit! 17-vjeçarit i gjendet edhe një dorezë metalike

Lezhë/ Vodhën para në një berberhane duke thyer xhamat, kapen dy të miturit! 17-vjeçarit i gjendet edhe një dorezë metalike

22 Janar, 10:33