Xhamia e Gjin Aleksit është ndërtuar në kohën e Sulltan Sulejmanit.
Ndërkohë që prej kohësh këto objekte religjioze janë kthyer në destinacion shumë të pylqyer për turistët e huaj pasi brenda pak metrave katror ka të ndërthurura fe të ndryshme.
Prej disa kohësh kjo xhami po i nënshtrohet një restaurimi i cili po financohet me fonde të komunitetit musliman shqiptar. Sipas përfaqësuesve të komuniteti xhami do të marrë pamje mjaf atraktive.
“Punimet ndodhen në një fazë të avancuar,jemi në mbarimin e kupolës, kemi ruajtur identitetin e saj lidhur me projektin dhe të kaluarën e saj. Konstatimet kanë qënë të cuditshme kryesisht tek kupola ku është vënë re lagështia nga ku ka ardhur i gjithë problemi për xhaminë” u shpreh Enver Samuri përfaqësues i Kom. Musliman
Megjithëse ngjan çuditshëm nga emrin që i është vendosur kësaj xhami, siç është Gjin Aleksi, por harmonia fetare në këtë zonë ka qenë shumë e mirë, madje sipas studiuesve venecian komuniteti i kësaj zone ka pranuar me dëshirë kthimin e fesë nga krishterimi në muslimanizëm.
Në lidhje me këtë flet edhe njohësi i objekteve muzeale, Auron Tare.
“Aspekti më interesant i kësaj xhamie është bashkëekzistenca e tre religjioneve që përfaqësohen në këtë monument, ku sipas studiuesve mendohet se është ndërtuar mbi rrënojat e një kishe prandaj edhe emri vjen nga prezenca e kishës është një xhami e ndërtuar në fushatën e Sulejmanit të Madhërishëm që erdhi për të pushtuar Korfuzin, pra aty mendohet se është koha e themelimit të xhamisë.Për këtë arsye edhe cruisierat po vijnë e po ndalen edhe në Delvinë” shprehet Tare.
Janë të shumtë turistët të cilët kanë lexuar në broshura për vende të tilla siç është edhe xhamia e Gjin Aleksit, në Rusan të Delvinës, ndërsa kureshtja është e madhe për të parë objekte të tilla muzeale.
Zona e Delvinës njihet shumë edhe për ndërthurje të komunitetev të ndryshme fetare, siç janë: Muslimanet, ortodoksit, por në të kaluar në këtë zonë kanë jetuar edhe një komunitet hebre.
[gallery]24051[/gallery]
Redaksia Online
e.m/Shqiptarja.com