Çështja e Demarkacionit me Malin e Zi, mbetet ende një problem i pazgjidhur i Kosovës. Kjo i ka sjellë mjaftë pengesa për sa i përket liberalizimit të vizave me Bashkimin Evropian.

Seanca plenare ka shkaktuar debat midis koalicionit të PAN, për shkak të qëndrimeve të ndryshme.

Pas marrjes së drejtimit të qeverisë, Ramush Haradinaj caktoi Komisionin e Ri për Shënjimin e Kufirit me Malin e Zi, por kjo ka sjellë reagime të ndryshme brenda koalicionit, deri tani janë propozuar qëndrime të ndryshme për zgjidhje.

Deputetët e AAK-së, u kanë kërkuar anëtarëve të Komisionit që të mos nxitojnë negociatat, por të gjënë një zgjidhje të drejtë, që nuk cenon sovranitetin duke u bazuar në parimet e të drejtës ndërkombëtare dhe rasteve të ngjashme.

Ndërsa deputetët e PDK-së, kanë akuzuar Komisionin se nuk ka ofruar ndonjë zgjidhje të re për demarkacionit.

Përkundrazi, sipas tyre, ky Komision në raportimin është marrë vetëm me punët e ish-komisionit paraprak, të drejtuar nga Murat Meha.

Pavarësisht tyre, përfaqësues të partnerit tjetër të koalicionit, Nisma për Kosovën, konsideruan se Komisioni gjendet para një presioni të madh për finalizimin e raportit.

Specialistët të ndryshëm në Kosovë, shprehen se Demarkacioni duhet të zgjidhet mbi bazën e fakteve reale, jo me deklarata politike që nuk sjellin ndonjë rezultat. Sipas tyre kjo mund të përçaj përfundimisht koalicionin midis PDK-AAK-Nisma.

demarkacioni
Kufiri ndarës midis Kosovës dhe Malit të Zi
kufiri kosove-Mal i Zi
Redaksia Online
Xh.F/Shqiptarja.com