POP 5

Lajmet më të lexuara të 5 minutave të fundit

Politikë

Demokratët braktisin sërish Vettingun, Akademikët kundër nismës së tyre

Pedagogë të juridikut kanë shprehur vërejtje për nismën e demokratëve për të ndryshuar sërish Kushtetutën për vettingun në politikë. Ata i thanë këto vlerësime në mbledhjen e Këshillit të Legjislacionit, ku opozita u përfaqësua vetëm pak minuta nga Luçiano Boçi. 

Akademikët dhe pedagogët e juridikut kundërshtojnë ndryshimin sërish të Kushtetutës me qëllim kryerjen e Vettingut në politikë. Këshilli i Legjislacionit dhe  Komisioni i Ligjeve zhvilluan sot mbledhjen e radhës për shqyrtimin e nismës së Partisë Demokratike për ndryshime kushtetuese me qëllim kryerjen e Vettingut në politikë. 

Opozita u përfaqësua nga deputeti Luçiano Boçi, i cili është anëtar zëvendësues në Komisionin e Ligjeve dhe nuk është jurist në profesion, por kjo zgjedhje e demokratëve erdhi për faktin se Kuvendi kishte ftuar përfaqësues të botës akademike për të vlerësuar nismën e demokratëve. 

Boçi e quajti farsë këtë mbledhje. 

“E dini si është kjo atmosfera? Si ata që lindin vajzë e pastaj thërrasin dasmën, e në fund e kanë fajin dasmorët pse lini vajzë. Kjo mbledhje është një farsë. Kryeministri e ka thënë fjalën e tij se është kundër. Përfaqësimi këtu është i ulët, asnjë rektor nuk ka ardhur. Ne duam që ta nisim vettingun në politikë nga vetja”. 

Luçiano Boçi, deputet i PD

Më pas Boçi u largua nga mbledhja, ndërsa pedagogët e juridikut nga sektori shtetëror apo privat dhanë mendimet e tyre mbi nismat demokrate, duke e kritikuar atë. 

Erind Mërkuri, Pedagog i së drejtës kushtetuese, UT: “Vettingu është i rrallë në gjyqësor, në politik është akoma më i rrallë si fenomen. Mendoj që ka një mangësi në strukturë. Kush do t’i hetojë deputetët? Nuk mund të jetë Kuvendi ai që i emëron sepse kuvendi do hetohet, ai i emëron, është nonsens. Mungon kontrolli pasuror. Nëse deputeti, kryetari i bashkisë, kryeministri, ministrat janë të lidhur me krimin, kjo do afektojë dhe pasurinë natyrisht. ”

Artan Hoxha Dekan i Juridikut UT: “Kushtetuta nuk është një akt që bëhet dhe ndryshohet sa herë ne duam, por atëherë kur është e nevojshme. Unë nuk jam kundër kontrollit apo kërkimit të llogarisë, po a kërkon kjo ndryshim kushtetues?”

Ermir Dobjani Pedagog juridiku, UT: “Paraqitja e këtij projektligji kushtetues në këtë formë, pa asnjë projekt paraprak për zbatimin e tij është pjesa më e dobët e këtij projekti”. 

Mbledhjet konsultuese do të vijojnë, ndërsa vendimmarrje nuk do të ketë deri në ardhjen e rekomandimit nga Komisioni i Venecias. Paraprakisht kryeministri Rama ka thënë se ai beson që vettingun në politikë do ta bëjë drejtësia e re e pastruar nga Vettingu. 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46