POP 5

Lajmet më të lexuara të 5 minutave të fundit

Sociale

Dëmtohet çatia e memorialit të ‘Skënderbeut’ në Lezhë! U restaurua vetëm 5 vite më parë nga Ministria e Kulturës

Megjithëse u restaurua në vitin 2018 nga Ministria e Kulturës, Memoriali i heroit kombëtar, Gjergj Kastrioti, në Lezhë është dëmtuar në pjesën e çatisë. Shkak mendohet cilësia e dobët e punimeve, megjithatë ka nisur vlerësimi i dëmeve nga Drejtoria e Trashëgimisë Kulturore

Pesë vite pas restaurimit çatia e memorialit të Skënderbeut në qendër të Lezhës është dëmtuar.  e ujit hyn brenda memorialit në ditë me shi. Për këtë arsye u anulua dhe aktiviteti për 550-vjetorin e vdekjes së Gjergj Kastriotit me 17 janar të këtij viti.

“Garancia ishte që 15 nuk do të ketë probleme çatia. Mirëpo, ka ndodhur akoma pa u bërë 5 vite, sa vjen e duke u agravuar, por kemi vënë re këtë vit, sidomos në muajin janar kur kishte reshje shiu, u vu re se në disa pika kishte rrjedhje uji e theksuar. Kur bie shi e bën të pamundur zhvillimin e aktiviteteve dhe kjo nuk është normale”, tha Zefi.

Drejtoresha Rajonale e Trashëgimisë Kulturore në Shkodër, Besara Potgorica u shpreh është ngritur një grup pune për të vlerësuar teknisht gjendjen e memorialit me qëllim ndërhyrjen sa më të shpejtë.

“Kemi parë gjendjen nga afër. Është ngritur dhe grupi i punës me specialistë të trashëgimisë që hartuan projektin në 2017. Do kryhet verifikimi dhe do vendoset së shpejti për ndërhyrje”, tha ajo.

Vendvarrimi i Skënderbeut përbën njërin prej monumenteve më të rëndësishëm në vend. Përveç mureve të kishës, në këtë objekt gjendet edhe absida, ku ndodhet i vendosur busti i Skënderbeut dhe afresku i Shën Nikollit.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Profesionet e lira, vërshojnë ankesat në tatime për rishikimin e këstit të tatimit

Profesionet e lira, vërshojnë ankesat në tatime për rishikimin e këstit të tatimit

25 Prill, 11:11