Ministri gjerman i Mbrojtjes Boris Pistorius tha të martën se dëmtimi i një kablloje nënujore të dhënash, që lidh Gjermaninë me Finlandën, ka të ngjarë të jetë një akt sabotimi.
Dëmtimi i kabllos C-Lion1 u raportua për herë të parë të hënën. Autoritetet thanë se linja 1.173 kilometra e gjatë ishte prerë, megjithëse pasoja nuk ka gjasa të ndihet nga shumica.
Ministri suedez i Mbrojtjes Civile Carl-Oskar Bohlin tha gjithashtu të hënën se ishte dëmtuar një kabllo e dytë nën det, sipas agjencisë franceze të lajmeve AFP.
Incidenti ndodhi në të njëjtin rajon detar ku u sabotuan në vitin 2022, pas pushtimit rus të Ukrainës, tubacionet e gazsjellësit Nord Stream.
"Nuk mund të jenë vetëm rastësi"
Ministrja e Jashtme e Gjermanisë, Annalena Baerbock tha se Evropa do të mbetet e bashkuar përballë kërcënimeve hibride, pas prerjes së kabllove me fibra optike në Detin Baltik.
"Ne po e përjetojmë këtë edhe në Gjermani [...] me sulme kibernetike, monitorim të infrastrukturës kritike, paketa që shpërthejnë papritmas kur transportohen me avion dhe dje [...] një kabllo të dhënash midis Finlandës dhe Gjermanisë që ndoshta ka prekur edhe Suedinë,” tha Baerbock. "Këto nuk mund të jenë thjesht rastësi.
Çfarë tjetër thotë Gjermania për kabllon e dëmtuar të Detit Baltik?
"Askush nuk beson se këto kabllo janë prerë aksidentalisht. Unë gjithashtu nuk dua të besoj versionet se ishin spiranca që i dëmtuan aksidentalisht këto kabllo," tha Pistorius përpara një takimi me ministrat e Mbrojtjes të BE në Bruksel.
"Prandaj, duhet të pohojmë, pa e ditur saktësisht se kush është, se është një veprim "hibrid”. Dhe ne gjithashtu duhet të supozojmë, pa e ditur ende, se ky është sabotim,” shtoi ai.
Pistorius nuk ishte në gjendje të siguronte ndonjë provë për dyshimet e tij, por homologu i tij estonez, Hanno Pevkur, tha gjithashtu se nuk kemi të bëjmë me një "shkak natyror" bazuar në informacionin e tyre paraprak.
Ministrat e jashtëm gjerman dhe finlandez nxorrën një deklaratë të përbashkët të hënën në mbrëmje: "Siguria jonë evropiane nuk kërcënohet vetëm nga lufta agresive e Rusisë kundër Ukrainës, por edhe nga lufta hibride e nxitur nga aktorë keqdashës"./ DW
Lajme të tjera
-
DW: Arrestimi i Netanjahut në Gjermani vështirë të përfytyrohet
23 Nëntor, 12:43 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Dokumenti sekret/ Gjermania përgatitet për luftë botërore, gazeta gjermane zbulon planet e Berlinit
21 Nëntor, 17:47
-
Ekstradohet një 62-vjeçar nga Gjermania, akuzohet se kanosi një shtetase për t'i marrë 5000 euro, i ngacmoi seksualisht mbesën
21 Nëntor, 15:29 -
Finlanda i bashkohet Suedisë, çel hetimet për kabllot prera të transmetimit të të dhënave në Detin Baltik
21 Nëntor, 08:41 -
'The New York Post': Evropa përgatitet për Luftën e Tretë Botërore, dokumentet sekrete gjermane zbulojnë planet
21 Nëntor, 08:26 -
Gjermania furnizon për herë të parë Ukrainën, i jep 4000 dronë me inteligjencë artificiale
20 Nëntor, 11:45 -
Presion ndaj Scholzit që të mos garojë për një tjetër mandat si kancelar i Gjermanisë
19 Nëntor, 20:09 -
Suedia dhe Finlanda u bëjnë thirrje banorëve të bëhen gati për mundësinë e luftës
18 Nëntor, 16:29 -
Gjermani/ Të Gjelbrit zgjedhin Robert Habeck si kandidat për kancelar në zgjedhjet e parakohshme
17 Nëntor, 18:07 -
Pas kritikave të shumta, Scholz mbron vendimin për telefonatën e tij me Putinin
17 Nëntor, 16:39
