Një pjesë e mburojës metalike në centralin bërthamor të Çernobilit në Ukrainën e shkatërruar nga lufta, është dëmtuar. Kjo mburojë e njohur si “Konvoji i Sigurisë” ose Arka, u ndërtua pas katastrofës së Çernobil në vitin 1986 dhe ka si qëllim kryesor izolimin e përhapjes së rrezatimit që vjen nga metalet radioaktive.

Organi mbikëqyrës bërthamor i OKB-së, u shpreh së fundmi se mburoja nuk mund të kryejë më funksionin e saj kryesor për shkak të dëmtimeve nga dronët, sulme të cilat Ukraina ia atribuon Rusisë.

Agjencia Ndërkombëtare e Energjisë Atomike tha se një inspektim javën e kaluar i strukturës së mbylljes së çelikut të përfunduar në vitin 2019 zbuloi se ndikimi i dronit në shkurt, tre vjet pas fillimit të konfliktit të Rusisë në Ukrainë, e kishte degraduar strukturën.

Drejtori i Përgjithshëm i IAEA-së, Rafael Grossi, tha në një deklaratë se "misioni i inspektimit konfirmoi se (struktura mbrojtëse) kishte humbur funksionet e saj kryesore të sigurisë, duke përfshirë aftësinë e izolimit, por gjithashtu zbuloi se nuk kishte dëmtime të përhershme në strukturat e saj mbajtëse të ngarkesës ose sistemet e monitorimit".

Grossi tha se riparimet ishin kryer tashmë, "por restaurimi gjithëpërfshirës mbetet thelbësor për të parandaluar degradimin e mëtejshëm dhe për të siguruar sigurinë bërthamore afatgjatë".