POP 5

Lajmet më të lexuara të 5 minutave të fundit

Kronikë

Ndërtoi rrugë dytësore nga fshati Mifol për të dalë në autostradën Levan-Vlorë, por i dëmtoi barrierat mbrojtëse, arrestohet 47-vjeçari

47-vjeçari Adrian Baçaj nga Vlora po ndërtonte një rrugë kalimi dytësore, në fshatin Mifol me dalje në autostradën Levan-Vlorë. Deri këtu, kjo histori nuk ka asgjë për t'u çuditur, përkundrazi vlonjari meriton përgëzime për nismën që ka marrë, për të çuar rrugë në fshatin e tij.

VLORË- 47-vjeçari Adrian Baçaj nga Vlora po ndërtonte një rrugë kalimi dytësore, në fshatin Mifol me dalje në autostradën Levan-Vlorë. Deri këtu, kjo histori nuk ka asgjë për t'u çuditur, përkundrazi vlonjari meriton përgëzime për nismën që ka marrë, për të çuar rrugë në fshatin e tij.

Mirëpo në tentativën e tij për të bërë mirë, Baçaj ka shkelur ligjin, me apo pa qëllim,  pasi ka dëmtuar barrierat mbrojtëse të autostradës, duke u bërë burim aksidenti për përdoruesit e rrugës.

Për këtë arsye, sot atij i janë vënë prangat. Ndaj tij, rëndojnë akuza për 2 vepra penale, atë të "Ndërtimit të Paligjshëm" dhe "Shkatërrimit të rrugëve".

"Në vijim të punës për kontrollin e territorit, për evidentimin dhe  goditjen e rasteve të ndërtimeve të paligjshme, specialistët për Krimet në Komisariatin e Policisë Vlorë, kanë bërë arrestimin në flagrancë për veprat penale “Ndërtim i paligjshëm” dhe “Shkatërrimi i rrugëve” të shtetasit Adrian Baçaj, 47 vjeç, banues në Vlorë. 

Ky shtetas në fshatin Mifol, duke ndërtuar  pa leje një rrugëkalimi (dytësore), me dalje në autostradën Levan-Vlorë, ka dëmtuar edhe barrierat mbrojtëse të autostrdës duke u bërë burim aksidenti për përdoruesit e rrugës.

Materialet i kaluan Prokurorisë, për veprime të mëtejshme", njofton policia. 

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • shofer i tmerruar: 27/09/2021 18:18

    Po mbroni nje budalla qe ka bere diçka tè rrezikshme - nje nga gjerat me te ndyra ne rruget tona jane lidhjet e paautorizuara te shtepive private, stacioneve te sherbimit, etj, me rrugen nacionale, ku automjetet ecin me 90-100 km/h. Perfytyro te jesh ne autostrade me 110 km/h dhe te te te dale perpara papritur ne karrexhate nje makine nga nje rruge lidhese qe futet pingul ne rruge kryesore, nuk ke kohe te parandalosh tmerrin e aksidentit. Te gjitha rruget hyrese ne autostrade duhet te jene me kend sa me te ngushte, qe hyrja ne karrexhate te behet gradualisht, jo me kend pingul, siç bejne katundaret e Laçit e Balldrenit me ato hyrjet e frikshme ne rruge kryesore qe po hane koka njerezish. Mire ja kane bere katundarit te poshter!

    Përgjigju
  • DURRES: 04/09/2021 10:35

    Komplimente se po bente vete rruge dytesore?!

    Përgjigju
    • Futja kot: 04/09/2021 12:18

      Imagjino të bënte rrugë kryesore...do merrte medalje.

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Dështimi me Cagliarin, Allegri: Në pjesën e parë do i ndërroja të gjithë, ulem të diskutoj të ardhmen me drejtuesit

Dështimi me Cagliarin, Allegri: Në pjesën e parë do i ndërroja të gjithë, ulem të diskutoj të ardhmen me drejtuesit

20 Prill, 09:34