POP 5

Lajmet më të lexuara të 5 minutave të fundit

Sport

Denoncimi për delegatin e FSHF-së Bujar Pregja, drejtori i Flamurtarit: Provokoi tifozërinë tonë, nuk i druhemi hakmarrjes së federatës

Lufta e ashpër mes federatës shqiptare të futbollit dhe Flamurtarit ka kaluar në një tjetër nivel.

Të dielën Flamurtari u rikthye te fitoret në Kategorinë e Parë, pasi mposhti pastër 2-0 Korabin, por më shumë se tre pikët pas ndeshjes bëri përshtypje kallëzimi në polici i delegatit të ndeshjes nga FSHF Bujar Pregja.

“Çuditërisht mbas mbarimit të ndeshjes Z.Pregja ka provokuar tifozët vlonjatë në një mënyrë që s’po e kuptojmë pse. Çfarë qëlimi ka? Klubi i Flamurtarit s’mund të rrinte indiferent ndaj këtij reagimi të këtij personi që nuk është shumë dashamirës ndaj klubit tonë,”-u shpreh Alfred Ferko, drejtor i Flamurtarit.

Drejtori i klubit të Flamurtarit thotë se kishte një arsye madhore pas këtij denoncimi.

“Mund të ndodhë dhe ka ndodhur që mund të krijojë dhunë mes tifozëve,”-tha Alfred Ferko, drejtor i Flamurtarit.

Javët e fundit klubi i Flamurtarit ka reaguar fort dhe ashpër ndaj vendimeve të arbitrave, që sipas tyre janë orkestruar nga federata shqiptare e futbollit. Duke shtuar edhe këtë denoncim vihet re qartë se situata mes palëve është e tensionuar. Pyetjes nëse i tremben apo jo një hakmarrjeje të mundshme nga federata, kreu i klubit përgjigjet kështu:

“Ne jemi shumë të qetë sepse kemi të drejtë për atë që bëmë, për denoncimin. E drejta është në anën tonë,”-deklaroi Alfred Ferko, drejtor i Flamurtarit.

Më herët presidenti i Flamurtarit Sinan Idrizi ka njoftuar se do denoncojë në prokurori FSHF-në dhe kreun e saj Armand Dukën pasi po dënojnë qëllimisht nëpërmjet arbitrave klubin vlonjat.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

27 Janar, 17:46