Tirane- Komisioni i Sigurisë kaloi sot në parim marrëveshjen për emigrantët me Italinë. Deputetët e maxhorancës miratuan në parim marrëveshjen pas diskutimeve online pasi zhvillimi i mbledhjes në sallën e kryesisë së Kuvendit u pengua nga deputetët e Sali Berishës dhe Gazment Bardhit.
Kreu i Komisionit të Sigurisë Kombëtare, Nasip Naço, i dha përgjigje pretendimeve të deputetëve të Sali Berishës e Gazmend Bardhit, duke garantuar se marrëveshja me Italinë për emigrantët, nuk shkel Kushtetutën dhe asnjë nga konventat ndërkombëtare
Kjo marrëveshje respekton nenin 121, paragrafin 2 të Kushtetutës dhe ligjin për marrëveshjet ndërkombëtare. Ne kemi marrëveshje të ngjashme të kësaj natyre, me Bashkimin Evropian për Frontex. Marrëveshje të ngjashme të BE me Turqinë për emigrantët nga Siria, apo Mbretëria e Bashkuar me Ruandën, tha Nasip Naço, Kryetar, Komisioni i Sigurisë
Ministri i Brendshëm Taulant Balla tregoi se marrëveshja nuk sjell asnjë cënim për sigurinë.
"Në territorin e Republikës së Shqipërisë nuk hyn dot askush që është i skeduar për veprimtari kriminale apo akte terroriste. Që në momentin e parë që hyjnë në Shqipëri bëhet identifikimi i tyre. Nëse rezulton se është I skeduar nuk hyn në Shqipëri por kthehet mbrapsht menjëherë" tha Ministri i Brendshëm, Taulant Balla.
Por, a ekziston mundësia që ndonjë prej emigrantëve që qëndrojë në Shqipëri për të punuar?
“Në të gjitha rastet personat largohen nga Shqipëria në momentin e marrjes së vendimit. Ata që pranohen shkojnë në Itali ata që u refuzohet kthehen në vendet e origjinës. Nuk ekziston asnjë mundësi që një nga 3 mijë të qëndrojë në Shqipëri. Nuk ka asnjë mundësi. Nuk ka, është e pamundur marrëveshja nuk e lejon. Të gjithë do të ikin nga Shqipëria sic do të vijnë” tha Balla.
Territori ku do të strehohen emigrantët me marrëveshjen me Italinë, pas përfundimit në fund të 5 viteve, do të shfrytëzohet nga Forcat e Armatosura dhe Emergjencat Civile.
"Shtatë ha janë brenda një ish repartit bazës ajrore të Gjadrit dhe kemi plane për të zhvilluar në të ardhmen disa aktivitete në funksion të forcave të armatosura, ministrisë së mbrojtjes dhe emergjencave civile"
Marrëveshja parashikon se në një moment numri i personave nuk mund të kalojë më shumë se 3 mijë. Koha e qëndrimit të tyre do të jetë në varësi të procedurës për leje qëndrimi në shtetin italian. Të gjitha shpenzimet paguhen nga Italia, ndërsa Shqipëria do të garantojë sigurinë në ambientet e jashtme të kampit, ku emigrantët nuk do të lejohen të dalin për asnjë moment.
Mbledhja u nis fizikisht në ambientet e kryesisë së Kuvendit por deputetët mbështetës të Gazment Bardhit dhe Sali Berishës vijuan skenarin e kaosit.
Deputeti i Rithemelimit Flamur Noka u ul në vendin e Nasip Naços.
Nasip Naço: Fajin e kam unë. më jepni një krehër të krihem e i lajmë hesapet
Edmond Spaho: Fajin e keni dhe ju. Edhe këta që rrinë këtu e bëjnë shaka janë përgjegjës ku është kuvendi. Po të ishim në opozita parimore nuk do të arrinim deri këtu. Kërkojini eprorëve të kthehemi në normalitet. Krijoni komisionet hetimore parlamentare.
Vullnet Sina: Hajde flasim
Saimir Korreshi vijoi ti binte tavolinës.
“Është fatkeqësi e tyre dhe e jona që kemi këtë opozitë“ tha Nasip Naço për gazetarët duke njoftuar dhe zhvendosjen e mbledhjes në Zoom në orën 12:00.
Ndërkohë sot Partia Demokratike dhe Rithemelimi depozituan dy padi në Gjykatën Kushtetuese për marrëveshjen e emigrantëve. Ata akuzuan qeverinë se nuk ka pasur transparencë dhe kërkojnë nga GJK shqyrtimin nëse ky protokoll pajtohet me Kushtetutën e Shqipërisë.
Opozita ka 100% të drejtë. Nuk besoj se Rama i do italianët më shumë se Prodi që e ka etiketuar si komike marrëveshjen. Nuk zgjidh problemet por është bërë për të zgjidhur agjendën personale të Ramës dhe Melonit” tha Ferdinant Xhaferraj në një prononcim për median në kryesinë e Kuvendit.
Komisioni i Sigurisë miratoi në parim online marrëveshjen me Italinë për emigrantët. Sipas marrëveshjes qendra ka kapacitet prej 3 mijë shtretërish.
Deputeti socialist Vullnet Sinaj ishte pro dhe me batutë ngriti pyetjen: Pse 3 mijë e jo 6 mijë, 7 mijë
“E bëmë që e bëmë e kishim bërë nja dy tre kampe se nuk bëhej qameti. Kishim treguar veten taman” tha më tej.
“Nuk menaxhohet më shumë se kaq!’ u përgjigj Balla.
Gjithashtu ai përjashtoi edhe mundësinë që qoftë dhe një emigrant të qëndrojë në Shqipëri.
“Në të gjitha rastet personat largohen nga Shqipëria në momentin e marrjes së vendimit. Ata që pranohen shkojnë në Itali ata që u refuzohet kthehen në vendet e origjinës. Nuk ekziston asnjë mundësi që një nga 3 mijë të qëndrojë në Shqipëri. Nuk ka asnjë mundësi. Nuk ka, është e pamundur marrëveshja nuk e lejon. Të gjithë do të ikin nga Shqipëria sic do të vijnë”, tha Balla.
Vetëm 7 ha të ish repartit të bazës ajrore të Gjadrit është vënë në dispozicion të ngritjes së strukturës së akomodimit dhe shërbimit për emigrantët, tha ministri I Mbrojtjes Niko Peleshi në mbledhjen online të komisionit e sigurisë
Pjesë e protokollit është dhe fakti që kjo infrastrukturë që do të ngrihet, pasi të mbarojë efekti i protokollit 5 vjeçar do i ngelet palës shqiptare.
"Është brenda një ish reparti dhe kemi plane për të zhvilluar në të ardhmen disa aktivitete në funksion të forcave të armatosura, ministrisë së mbrojtjes dhe emergjencave civile' u shpreh ministri Peleshi.
Marrëveshja me Italinë për emigrantët u diskutua online nga komisioni I sigurisë pas kaosit që shkaktuan deputetët e Bardhit dhe të Berishës duke mos lejuar mbajtjen e mbledhjes fizikisht
Ministri sqaroi dhe të vërtetën për shifrën 36 mijë emigrantë që përflitet se do të vijnë në vit në Shqipëri.
“Kapacitet është 3 mijë. Në këtë qendër janë 3 mijë shtretër. Kam dëgjuar shpesh herë që thuhet 12 muaj herë 3 mijë janë 36 mijë. Nuk është kështu. Mund të rezultojë që një person të qëndrojë dhe 2 apo 3 muaj pasi lidhet me procedurat. Ligji Italian përcakton një periudhë 28 ditore por mund të qëllojë që të marrë më shumë. Duhet të lirohet një vend që të vijë dikush tjetër. Nuk bëhet fjalë që vijnë 36 mijë. Por ka një kapacitet akomodues prej 3 mijë vetash.Nuk bëhet fjalë që mund të vijnë kushdo që kapet në Mesdhe. Në Itali sot akomodohen në qendrat e pritjes 80 mijë persona, vetëm 3 mijë do të akomodohen në Shqipëri. Kontributi i Shqipërisë është 3- 4%. Pra është vetëm shprehje solidariteti dhe marrje përgjegjësie nga ana jonë. Nuk ka rrezik që persona që kapen rastësisht në Mesdhe të vijnë në Shqipëri. Ka një procedurë që e bën qeveria italiane, një pjesë e tyre mund të vijë në Shqipëri sipas protokollit. Totali është 3 mijë e nuk mund të shkojë as 3001” tha Taulant Balla.
Ministri i Brendshëm Taulant Balla garantoi se me ardhjen e emigrantëve nuk ka asnjë rrezik të sigurisë kombëtare dhe se nuk mund të hyjnë as element të skeduar për krime apo akte terroriste.
Gjatë bisedës online Balla tha se në momentin e mbërritjes bëhet identifikimi I tyre dhe nëse rezulton I skeduar ai kthehet mbrasht. Gjithashtu shtoi se qendra monitorohet 24 orë nga pala shqiptare.
Pranvera Resulaj: Çfarë do të ndodhë kur kemi ngjarje penale jashtë territorit, sa i kemi kapacitetet për të menaxhuar situatën me forcat policore tona. A konsiderohet rrezik të sigurisë kombëtare?
Taulant Balla: Në territorin e Republikës së Shqipërisë nuk hyn dot askush që është i skeduar për veprimtari kriminale apo akte terroriste. Për këtë është parashikuar që në momentin e parë të mbërritjes së Republikës së Shqipërisë bëhet identifikimi i tyre. Nëse rezulton se është I skeduar nuk hyn në Shqipëri por kthehet mbrapsht menjëherë. Nga ky moment pasi të bëhet regjistrimi e verifikimi i tyre bëhet transportimi nga pala italiane shoqëruar nga policia shqiptare deri në qendrën e pritjes. Qendra e pritjes është juridiksion i Republikës italiane dhe ka përgjegjësinë për rendin e sigurinë. Në raste të vecanta është caktuar në protokoll si ndodh kur kërkohet ndërhyrja jonë.
Nuk ka asnjë rrezik të asnjë lloj aktiviteti kriminal të secilit prej tyre jashtë territorit të qendrës sepse qendra është 24 orë e monitoruar nga forcat e policisë shqiptare. Shpenzimet për kostot e këtij operacioni do të mbulohen nga qeveria italiane pjesë e këtij protokolli. Duhet të jeni të qetë se nu ka asnjë rrezik për kryerjen e asnjë aktiviteti kriminal jashtë këtij territori.
Në komisionin e Sigurisë ka nisur diskutimi online i marrëveshjes me Italinë për emigrantët.
Ministri i Brendshëm Taulant Balla dhe ministri I Mbrojtjes, Niko Peleshi mbron marrëveshjen
“Marrëveshje është tepër e rëndësishme. I jep Shqipërisë një vlerë të shtuar si një vend që synon të jetë pjesë e BE-së në një kohë të afërt” tha Balla
Nga ana e tij ministri Mbrojtjes Niko Peleshi tha se me këtë marrëveshje “kemi zero kosto por shumë përfitime morale në raport me Italinë dhe BE-në”
Komente
Lajme të tjera
-
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Marrëveshja për emigrantët/ Italia rinis dërgimin e azilkërkuesve në Shëngjin në janar, Tajani: Projekti jonë u mbështet nga vendet e BE-së
24 Dhjetor, 14:42
-
Mbyllja e TikTok, Balla: Platforma nuk përmbushi detyrimin për moderimin e postimeve në gjuhën shqipe
24 Dhjetor, 12:17 -
Protesta e PD-së, 7 të arrestuar, 21 protestues në hetim! Noka goditi efektivin, procedohet penalisht bashkë me 39 deputetë e zyrtarë të opozitës (EMRAT)
24 Dhjetor, 09:44 -
Policia përgënjeshtron Berishën: Gjekmarkaj s’u dhunua, u ndje keq dhe iku! Keqardhje për Nokën, goditi efektivët! Janë evidentuar shkelësit, do procedohen
23 Dhjetor, 20:14 -
Marrëveshja me Shqipërinë për migrantët, Meloni mbledh qeverinë: Zgjidhje e dakordësuar me BE-në
23 Dhjetor, 17:12 -
Konferenca/ Peleshi: Bardhi e interpreton ndryshe, Parlamenti s’kontrollon vetveten! Duket veprim politik, periudha e zgjedhjeve s’e lejon ngritjen e Komisionit
23 Dhjetor, 13:58 -
Konferenca e Kryetarëve/ PS rrëzon komisionin hetimor për Ballukun, lidhur me Porto Romanon! Bardhi: Aferë korruptive! Balla: Kërkoni 6 muaj hetim, s'ka kohë
23 Dhjetor, 12:27 -
Adriatik Doçi: Deputetët e PD që kanë mbi 3 shtëpi me rrogë shteti, bie sfida e Berishës për Altin Dumanin
23 Dhjetor, 09:32
-
Marrëveshja për emigrantët, Meloni mbledh nesër qeverinë: Më duket se Kasacioni na ka dhënë të drejtë
22 Dhjetor, 11:51 -
Mero Baze: Pse Flamur Noka po betohet se 'nuk merret peng'?
21 Dhjetor, 20:38
-
Balla takim me punëtorët shqiptarë në Toskana: Deri në Pashkë shpresojmë të arrijmë marrëveshjen për njohjen e pensioneve! Merrni pjesë në votime
21 Dhjetor, 17:10
Ajo qe ministri i mbrojtjes /e harron/ qellimisht t'a permendi kur thote se pas mbarimit te marreveshjes,baza i kthehet shqiptareve dhe ky ka plane zhvillimi per te,eshte fakti qe marreveshja ka nje klauzole ku permendet riperteritja e marreveshjes.Pra nuk ka kurfare garancie qe marreveshja do te quhet e perfunduar pas 5 vjetesh,pas tere atyre /shpenzimeve/ qe do te bejne italianet,pas valeve pa fund te emigranteve dhe aq me teper po te merret parasysh qe te kemi akoma Ramen,por dhe opozita nuk perjashtohet,po te vije ne pushtet,se te gjithe te pacipe tregohen kur behet fjale per paturpesi te tilla,i lepijne cfare kane peshtyre me pare! Dhe keshtu 5 vjet tranformohet ngadale cdo 5 vjet perseritje ne 100 vjet!
PërgjigjuTè gjitha ON LINE BABY. Gjykata kushtetuese, do ketè shumè "punè tè vèshtirè" me deklarimin e kètyre palo marrèveshjeve, nè atè qè janè vèrtetè, njè abuzim i skajshèm me pushtetin dhe asgjè tjetèr. Butrinti, e njèjta gjè. PPP dhe KÇK, qè pas disa kohèsh do ti bèhen lak nè fyt edhe kètij qè sot bèn babain e reformès nè drejtèsi. Ky kuvend i degjeneruar duhet tè mbyllè dyert njè orè e mè parè dhe vèndi le tè shkojè nè zgjedhje tè parakohshme.
PërgjigjuNese nje muaj ka 28 dite Ateher do kishim plot 13 muaj ora do kete 13 seri me emigrant nga 3000 jane rreth 39,000 ose 40,000 mije qe ketu lind dyshimi pse 28 dite dhe jo 30 dite ? Ndaj gjykata e hedh poshte nese nuk eshte e kapur dhe ajo
PërgjigjuProblemi eshte se trafikantet e detit do nundohen me cdo lloj menyre te shfrytezojn bregdetin tone per kalimin klandestin te emigranteve dhe kjo marreveshje na ndihmon qe mos te na gjejn ne gjume po te pergatitur plotesisht!Shteter e tjera si Turqia, Greqia ,Italia etj e kane vuajtur shume kete fenoomen dhe shume here jane gjetur te pa pergatitur dhe ne fund jane treguar me gisht qe kane mbytur njerezit!Ne kete moment te gjitha shtetet jane organizuar se nqs nuk arrijn dot ta ndalojn te pakten ta kontrrollojn dhe organizojn ne ndihm te jetes njerezore!Te mundohemi te gjithe te jemi sa me te hapur ne kete problem kaq te madh nderkombetar!
PërgjigjuNasipi ose garipi i likes si mulnoka i salehut jane te nje kallepi....deputete te menderosur nga te ndenjurat e salehut dhe edvinit....keta 140 jane deputete gopash e gropash te salehut@edvinit
PërgjigjuKam nje sygjerim per Saimir Koreshin. Ditet qe nuk do te shkoje ne parlament , te punoje tek emisioni i Aldo Morning shou. Te zevendedoje Vip. e Myzeqese per ca kohe.
PërgjigjuUne me PD jame por kete qe po bejne cdo dit ne parlament dhe komisjone u bene te neveritshem te pa dhogjik Mjafte se na merzitet shkoni atje ne parlament dhe jepni kontributin tuaj Mos thoni na pengon Maxhoranca nuk keni ju. Bythe te perbadheni
PërgjigjuPushtet kriminel i lidhur më andragets mafiozët…!
Përgjigju