Deputetët e PD tentojnë të futen në Kuvend, Garda nuk i lejon! Vokshi: Si guxoni të ngrini dorën ndaj deputetëve? Boçi: Je palo djalë! Është i operuar tjetri

Deputetët e PD që janë të përjashtuar nga seanca plenare janë përplasur me Gardën pasi nuk lejohen të futen në Kuvend. Pranë tyre janë edhe disa deputetë që duan të futen në sallën e parlamentit por dera është e bllokuar nga punonjësit e Gardës.

Edmond Spaho: Ai që fshihet si miu duhet të vijë këtu.

Luan Baçi: Po kush je ti që të na fusësh një nga një?

Gardisti: Po hë tani se nuk jeni nxënës kopshti

Luan Baçi: Po nuk të bën përshtypje ty që nuk del asnjë. Nuk kam qejf të më prekësh, ndaj hape derën që të futem. Hape derën të futem se nuk më merr aty ore.

Albana Vokshi: Ooooo, ça po bëni ore. Mos e prek një deputet me dorë.

Luan Baçi: Ti je palo djalë. Kë shtyni kështu? Je patronazhist, je palo djalë. Kë shtyn ti? Nuk kam nevojë për ndjesën tuaj. T'ju vijë turp. Ç'është kjo punë? Erdhi tjetri dhe më hipi lart. 

Luçiano Boçi: Jemi njerëz. Është i operuar tjetri. Doni raport mjekësor këtu. Po na e keni bërë sikur po futemi në alkatraz. Bëni dhe pis kostumin e famshëm të Gardës.

Albana Vokshi: Nuk e keni mirë kështu, guxoni ju që të vini dorë mbi deputetin.

Luçiano Boçi: Po na e bëni sikur po futemi në Alkatraz.

Lajmi kryesor:

Seanca plenare në Kuvend, mes tensioneve dhe ‘zhurmuesve’, 3 projekt-vendime të miratuara! Opozita: Të anulohen, s’kanë kuorum

A.M./Shqiptarja.com

TAG:
• sali berisha
• Kuvendi i Shqiperise
• Lindita Nikolla
• flamur noka