Partinë Demokratike e përfaqëson vetëm Komisioni i Rithemelimit. Me këtë qëndrim të ripërsëritur deputetët demokratë që janë pro lëvizjes së Sali Berishës dolën nga seanca plenare pas debateve me Nikollën dhe më pas i rikthyen për të dëgjuar fjalimin e Erdogan.

Në emër të tyre foli për mediat  Flamur Noka.

"Ne ju bëjmë me dije shqiptarëve se ata sot kanë opozitë dhe kanë deputetët e tyre që do të përballen me regjimin. Ne i kemi dorëzuar një shkresë Kuvendit më datë 23 dhjetor. Institucioni legjitim i dalë nga Kuvendi i PD-së më 11 dhjetor i dërgon një letër kryetares së Kuvendit për gjithçka ndodhi dhe vendimet që u morën në atë Kuvend. Kush do që ta emërojë pengun në krye të opozitës e ka gabim", tha Noka.

I pyetur se çdo të ndodhë në zgjedhjet e pjesshme lokale që pritet të mbahen shumë shpejt, Noka tha se do të përgatiten.

 

 


Lajmi kryesor:

'Lufta' në PD shkon në Kuvend! Nikolla njofton përjashtimet nga grupi demokrat! Deputetët pro 'Foltores': S'na heq dot Lul Brava! Alibeaj: Problemet i kemi në familje! Mungon Berisha