POP 5

Lajmet më të lexuara të 5 minutave të fundit

Politikë

Deputeti i PS propozon amnisti për armët e zjarrit! Bardhyl Kollçaku: 200 mijë armë në duart e qytetarëve

Ministria e Brendshme përjashton mundësinë e një amnistie për dorëzimin e armëve të zjarrit, pa bërë më parë një fushatë për ndërgjegjësimin e popullatës. Deputeti i mazhorancës Bardhyl Kollçaku tha se dorëzimi vullnetar mund të jetë një zgjidhje ndërkohë që 200 mijë armë janë në duart e popullatës.

Deputeti i mazhorancës Bardhyl Kollçaku ngriti shqetësimin në komisionin parlamentar të sigurisë për numrin e madh të armëve të zjarrit në duart e popullatës të cilat shpesh bëhen shkak për krime.

“Janë mbi 200 mijë armë në duart e popullsisë në Shqipëri”, tha ai.

“A keni menduar për amnisti?”, pyeti Kollçaku.

Zv.ministri i Brendshëm Besfort Lamallari, u përgjigj duke thënë se miratimi i amnistisë është i mundshëm, por më parë duhet që institucionet të sigurohen për rezultatin, i cili varet shumë nga ndërgjegjësimi i popullatës për dorëzimin e armëve.

“Amnistia është e pjesë e strategjisë, nuk është çështja tek miratimi i saj, janë bërë 3 amnisti, por nevojë ka ndërgjegjësimi. Duhet të sigurohemi që vërtet është rritur më parë ndërgjegjësimi, duhet të kemi një siguri për përgjigjen pozitive nga qytetarët për këtë nismë”, u shpreh Lamallari.

Deputeti i PD, Isuf Çelaj kërkoi më shumë kontroll për lejet e mbajtjes së armëve.

Diskutimet u zhvilluan gjatë shqyrtimit të ndryshimeve në projektligjin për armët e zjarrit në Komisionin e Sigurisë i cili dha miratimin për draftin në parim. 

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Vlorë/ Kërcënohen me thikë disa nxënës që po luanin në Lungomare, autori me probleme të shëndetit mendor

Vlorë/ Kërcënohen me thikë disa nxënës që po luanin në Lungomare, autori me probleme të shëndetit mendor

27 Prill, 23:01