Krahasimin që Sali Berisha nisi t’ja bënte vetes me Alexei Navalny opozitarin rus që vdiq në një nga burgjet famëkeqe të Rusisë, nën dyshimet e një vdekje të shkaktuar nga regjimi i Putinit, e kanë vijuar ushtarët e tij të përbetuar te Rithemelimi.
Një prej tyre është deputeti Tritan Shehu i cili ka bërë një reagim absurd pasi Apeli i GJKKO rrëzoi kërkesën e Sali Berishës në arrest shtëpie për të marrë pjesë në seanca plenare. E vetmja formë që u ka mbetur tashmë deputetëve të Rithemelimit për ta mbrojtur Berishën është ta viktimizojnë duke e krahasuar me Navalnyn.
“Izolimi i Berishës, i ngjashëm me Navalnin! Para pak u rrëzua përsëri kërkesa e Berishës për të marrë pjesë në punimet e Kuvendit! Një gjykatë, që u bindet urdhërave politikë vendosi…. Që i burgosuri politik deputet Sali Berisha, të mbahet në një izolim sa më të ashpër, jashtë të gjitha ligjeve, Kushtetutës sonë, të drejtave europiane e demokratike! Pa u dënuar akoma, vetëm mbi bazën e disa akuzave qesharake!
Dhe pastaj dikush flet për normalitet të vendit, normalitet në Kuvend, normalitet… Kur është krejt e kundërta! Anormalitet në çdo cep, në zbatimin e ligjeve, në Kuvend, në të drejtat elementare, me pasojë deformimin e thellë te demokracisë, vetëm kjo takohet kudo në Shqipërinë e këtij Regjimi! Navalnin e çuan në Artik, e vranë aty… Por dhe ne nuk jemi shumë larg duke izoluar, ndaluar në funksionin e tij në Parlament, shkelur kështu votën e atyre qindra mijërave që e kanë votuar, pa u dënuar nga asnjë gjykatë, një Deputet! Kryetarin e opozitës e të PD!”, shkruan deputeti i Berishës”, shkruan deputeti i Berishës.
Në thirjen e Shehut duket qartë beteja që ka Rithemelimi, që nuk është tjetër veçse për të ndihmuar Berishën.
“Lironi Sali Berishën! Kjo duhet të jetë motua e luftës sonë politike kudo, në Kuvend, në media, në sheshe e rrugë, institucione e takime, brenda e jashtë vendit, kudo! Dhe kjo nuk ka të bëjë me simpatitë a antipatitë personale, dakordësinë apo jo për çështje sekondare. Kjo ka te bëjë me të sotmen apo të ardhmen, demokratike apo nën regjim të vendit. Ka te bëjë edhe me vlerat e moralin e opozitës në tërësi, të secilit nga neve në mënyrë individuale", shkruan Shehu.
Si duket deputetëve të Rithemelimit u janë “errur sytë” saqë harrojnë se “Navalny ynë”, pra Berisha, ndryshe nga ai rus, po përdor dhe organizon partinë (Rithemelimin) për të shpëtuar veten, ndërsa Navalny rus po përpiqej të ngrinte një opozitë që do të shpëtonte Rusinë.
Navalny rus shkoi në burg se filloi të frymëzojë opozitën ruse, kurse ajo që bën Berisha në arrest shtëpie i akuzuar për korrupsion, çdo ditë majë dritares mban fjalime kundër drejtësisë dhe duke shpallur armiqtë e tij më të mëdhenj ata që nuk e mbështesin në betejën personale me drejtësinë.
Komente
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
Tritanke,duhet t'a kishe krahasuar me Krishtin e kryqezuar,jo me Navalnin,se ben me pershtypje tek fanatiket e tij.S.d.q nuk eshte izoluar si i burgosur politik,por thjesht pse eshte kokedru e kembenguli si mushka deri ne fund qe te mos paraqitej ne SPAK thjesht per dukje,sepse vetem kjo ju kerkua e s'pranoi.Koka ben,koka peson!
PërgjigjuNese ka vertet vullnet per te zgjidhur problemin e politikaneve qe shpallen "Nongrata" nga aleatja jone e madhe SHBA, Kuvendi i Shqiperise mund te pergstise nje ligj ku te thueht: "Kush shpallet Persona Nongrata" nga aletaj jone e madhe SHBA< duhet t'i hiqet automatikisht mandati i deputetit. Asgje tjeter.
PërgjigjuKy flet nen efektet e preshin,sepse te hash presh si ka ngrene ky,eshte problem sepse krijon efekte anësore duke deformuar personalitetin
PërgjigjuDen më gajase.???????????? Komenti më i bukur,por nuk the sa vite do vazhdojnë efektet anësore që ka dhënë preshi,apo varet nga trashësia që ka pasur preshi ????