Pos sjelljes në politikë që të kujton luftën e klasave , e cila bën me gisht kulakun, të deklasuarin, agjentin, armikun duke parë me kë rri, me ke pive kafe, kujt i fole, me kë u takove po kaq neokomunist dhe hipokrit është ligjërimi. Duke mos pasur shkollë tjetër politike veç atë të Enver Hoxhes dhe ideologëve pranë tij deputeti shqiptar edhe sot perceptohet nga të tjerët si komisar apo si kryetar kooperative madje edhe ai vet flet e sillet si i tillë !!
Në asnjë rënd shoqëror njeriu nuk është i çliruar nga vetja! Personi është gjithmonë individualist dhe në shoqëritë e lira duke prosperuar vetë ndikon që të kontribuojë pozitivisht për komunitetin. Themelore mbetet sa ndershëm çdo kush e ndërton CV-në e tij në jetë?! Sa ai mund të jetë model për tjetrin dhe po kaq sa i tillë mund të shndërrohet në përfaqësues me shembullin njerëzor, intelektual, profesional si kontributor në jetën publike pasi ka menaxhuar mirë të veten?!
Komike dhe tragjike shfaqet situata kur sheh njerëz gjysëmanalfabet, të unshëm për me vjedhë e me rrejtë të vetmen gjë që bëjnë mirë tek i dëgjon me folë në emër të popullit !! Ato që ju vjedhin me miliona lejesh e tenderësh jua kthejnë me kafe e raki si begenisje e si popullor. Pastaj krekoset i kam ushtarë këta.
Rëndom të grisin veshin hipokrizive të tipit " unë jam me dhe mes demokratëve të ndershëm", "unë jetoj me shqetësimet e socialisteve e të qytetareve të ndershëm" , gjithçka pra vërtitet tek e "ndershmja" tek "halli" i militantit apo qytetarit po kurrë tek i "veti".
Deputeti shfaqet si një "shenjtor" i kohëve moderne , një "savanarolë" kundër vesit dhe luftar i virtytit. Ai nuk ka jetë private dhe personale, ai nuk ka familje por familjen e madhe elektorale, ai jeton për të tjerët! I pari në sakrifica dhe i fundit në pretendime thuhej dikur.
Gjithmonë "sup me sup e krah me krah" rri me demokratet dhe socialistet! Aty ha aty fle, aty gëzohet, aty hidhërohet! Jam në zonë përgjigjet gjithmonë, jam me njerëzit, jam në bazë.
Deputeti shqiptar gënjen pa e kuptuar se është gënjeshtar! Ai shfaqet si e duan "gjykatësit" e tij të cilët sillen si aktor në një loje të madhe. Kush e ka kutin e moralit, të se drejtës, të së mirës, të besës, të puritanizmit?
Deputeti mund ti shërbeje më mirë votuesve të tij kur është i vërtetë në gjuhë e sjellje, kur sillet si njeri që do veten më shumë se të tjerët e me pas përpiqet te mos jetë i lig , përfitues, mashtrues e levantin me tjetrin. Deputetet nuk janë komisaret e revolucionit as klerikët e librave të shenjtë! Si të tillë na la ky vit. Do zoti tjetri na gjen me njerëz dhe me pak shenjtorë! Gëzuar 2023 !
Lajme të tjera
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
-
Buxheti 2025/ PD propozon 28 Amendamente: Minimumi jetik 200 euro, rritje e pensioneve dhe shtim i fondeve te Onkologjiku (E PLOTË)
21 Nëntor, 15:55 -
Asllan Dogjani sërish në SPAK! Deputeti i PD-së: Po më hetojnë për shtëpinë 100 metra katrorë
21 Nëntor, 13:02 -
‘Alarmi’ për votën e emigrantëve, KQZ garanton: S’ka dështim! Ose ndërrojmë Kodin, ose paguajmë shtrenjtë! Votimi e numërimi elektronik 18.2 mln euro vetëm për Tiranën
21 Nëntor, 12:25 -
Sondazhi i Report Tv/ PS merr 9 mandate dhe PD me 5 deputetë në Qarkun e Elbasanit
20 Nëntor, 21:11 -
Jakin Marena: Berisha ngre flamurin serb në Kuvend, Kurti zhbën shqipen, rastësi?!
20 Nëntor, 18:41
