Deputetja e LSI, Kejdi Mehmetaj shprehet në një status në Facebook se pas hekurave nuk duhet të ishte Dashamir Xhika, por disa ministra dhe ish-ministra të Ramës. Ajo thekson se arrestimi i Xhikës është bërë nga Rama pas frikës që e ka kapur. “Tahiri, Gjiknuri, Beqja, të tjerë ministra dhe Rama vet do duhej të ishin sot mbas hekurave.

Gjyqet politike që ka nisur nuk i mbulojnë dot dosjet që po lë në heshtje prokuroria e kapur. Xhika do e provojë pafajësinë e tij përballë drejtësisë, po ju o peshqit e mëdhenj çdo ju mbetet përpara popullit?’ thotë ajo.  Xhika është i arrestuar për dy dosje, rrugën Elbasan-Gjinar dhe Tiranë-Elbasan së bashku me zyrtarë dhe ish-zyrtarë të lartë.

Statusi i Kejdi Mehmetaj
Frika që ka kapur Edi Ramën po nxjerr në shesh uzurpimin që i ka bërë institucioneve të drejtësisë. Asgjë që KM po bën nuk do e ndalojë popullin të tërhiqet nga rruga që ka nisur për ta hequr atë nga karrigia që po mban peng. Gjyqet politike që ka nisur nuk i mbulojnë dot dosjet që po lë në heshtje prokuroria e kapur.

Tahiri, Gjiknuri, Beqja, të tjerë ministra dhe Rama vet do duhej të ishin sot mbas hekurave. As arrestimet në mes të natës, as urdhri i prerë që ditën e diel të vazhdoheshin sulmet politike, nuk fshehin dot zullumet e kësaj qeverie të cilës gjella e tepsisë u është djegur e tymi është shpërndarë gjithandej. Zoti. Xhika do e provojë pafajësinë e tij përballë drejtësisë, po ju o peshqit e mëdhenj çdo ju mbetet përpara popullit !?

d.b/shqiptarja.com