Derbi i Madridit, Griezmann i ngrin buzëqeshjen Ronaldos, shtang Realin

Nuk ka fitues në derbin e Madridit dhe nga kjo situatë më e fituar del Barcelona, që tashmë kur mbeten edhe 7 javë deri në fund të La Liga-s ka prekur titullin kampion. Përfundoi në barazim 1-1 derbi i Madridit mes Real dhe Atletico, me dy gola që u shënuan në harkun e katër minutave në fillimin e pjesës së dytë.

Pas pjesës së parë që u mbyll pa gola, Cristiano Ronaldo kaloi në avantazh Real në “Bernabeu”, pas krosimit të Gareth Bale, duke realizuar golin e 23-të në këtë kampionat, gjashtë më pak se golashënuesi më i mirë Lionel Messi.

Avantazhi i “Los Blancos” zgjati vetëm katër minuta, pasi francezi Antonie Griezmann vuri barazpeshën për të besuarit e Simeone. Real Madrid nuk arriti të fitojë për herë të pestë radhazi kundër Atletico Madrid në “Bernabeu”.

Atletico mbetet në vendin e dytë të La Liga, me katër pikë më shumë se Real i vendit të tretë, por plot 11 pikë pas Barcelonës, që fitoi 3-1 ndaj Leganes, të shtunën në mbrëmje dhe marshon drejt titullit kampion. 

TAG:
• real madrid
• cristiano ronaldo
• altetico madrid
• antoine griezmann

Sondazhi i ditës:

A ka politika frikë nga SPAK-u?

• Po

  68.9%

• Jo

  26.1%

• Nuk e di

  5%

Vota total: 4273

• Sondazhi i ditës:

  A ka politika frikë nga SPAK-u?

  Po Jo Nuk e di