Derbi ka aromë titulli, Tirana ia del në Shkodër! Presidenti i Vllaznisë: Jam jashtëzakonisht i zhgënjyer

Tirana ka marrë një fitore me aromë titulli në derbin e Shqipërisë kundër Vllaznisë, pasi në ‘Loro Boriçi’ ia ka dalë me rezultatin 1-2. Golat e bardhebluve u realizuan nga Ismailgeci dhe Hoti, duke e pozicionuar ekipin aktualisht 9 pikë larg vendit të dytë.

“Një fitore e rëndësishme përballë një kundërshtari që dihet se çfarë cilësish ka pavarësisht se është disa pikë larg nesh, por unë e kam konsideruar një rival të drejtpërdrejtë. Është një fitore e rëndësishme që vjen duke kaluar një pengesë, por janë edhe 11 të tjera,”-deklaron Orges Shehi, trajner i Tiranës.

Humbja në derbi nuk është pritur aspak mirë nga tifozët e Vllaznisë, por sidomos edhe nga drejtuesit.

“Ishte një humbje shumë zhgënjyese dhe një lojë jo e mirë sidomos në pjesën e dytë. Vura re një motivim jo të duhur të skuadrës për të luajtur edhe për të luftuar deri në fund,”-shprehet Alban Xhaferri, president i Vllaznisë.

Pas 25 javësh kampionat Vllaznia renditet në vendin e katërt me 39 pikë.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të ketë një Paketë të dytë të Rezistencës Sociale?



×

Lajmi i fundit

John

Mero Baze: Përpjekje për të imituar 'bezen e kuqe të 21 janarit', për protestën e 7 korrikut