Ndeshja e javës së 28-të mes Kastriotit dhe Bylisit në Superligë, e programuar për dje në 15:00 u shty për shkak se FSHFpranoi kërcënimet me jetë për arbitrat dhe kryesorin me stemën e FIFA, Juxhin Xhajën. Ngjarja është e paprecedentë në futbollin shqiptar, teksa nën zë pranohej edhe më herët se arbitrat kanë qenë nën presion për ndeshje të caktuara. Veç Xhajës, kërcënimet me jetë janë drejtuar edhe kundër familjarëve të tij dhe bashkëshortes shtatzënë.
Në deklaratën për mediet nga FSHF, organi i futbollit në vend pranoi se edhe ndeshja e javës së shkuar me Kastriotit dhe Laçit ishte e "fiksuar", teksa kurbinasve iu anullua një gol pas presionit dhe kërcënimit për arbitrat.
Duket se momenti në video ka qenë vendimtar, me kryesorin Kreshnik Bajramaj që është detyruar të anullonte golin kur rezultati ishte 1-1, teksa më pas krutanët shënuan po në fund golin e fitores 2-1.
"Ditën e djeshme arbitrat e ndeshjes janë kërcënuar dhe kjo ngjarje është duke u hetuar nga organet kompetente. Federata e Futbollit është njohur me vendimin e të gjithë klasës arbitrale, që nuk pranon të marrë përsipër drejtimin e ndeshjeve të Klubit Kastrioti për shkak të presioneve dhe shantazheve të vazhdueshme. Një javë më parë, në ndeshjen Kastrioti-Laçi arbitrat e ndeshjes janë kërcënuar me jetë dhe janë detyruar të anulojnë një gol për skuadrën e Laçit. Të ndjerë vazhdimisht të kërcënuar zyrtarët kanë pasur frikë të deklarojnë me shkrim apo të denoncojnë ngjarje të tilla. Të gjendur në këtë situatë, FSHF bën me dije se do të presë deri në fund zbardhjen e ngjarjes së ndodhur ditën e djeshme dhe do të marrë vendimet e duhura për të siguruar ambientin e sigurt në panoramën futbollistike shqiptare", njoftoi FSHF-ja.
Veç humbjes së Laçit në ndeshjen ku iu anullua një gol, trajneri Gentian Mezani u shkarkua pas disfatës së shkuar. Tanimë Laçit i lind e drejta që të kërkojë përsëritjen e ndeshjes, në kushtet kur arbitrat kanë pranuar se kanë anulluar një gol nën presion dhe kërcënim. Duket se futbolli shqiptar ka "derdhur kupën" e mbushur prej kohësh me trukimet dhe paracaktimet e ndeshjeve, teksa gjithë çështja është në dorën e drejtësisë.
Goli i anulluar për Laçin:
Lajme të tjera
-
Babai i Uzunit fjalë të ashpra kundër Sylvinhos: S'ia vlerësuan djersën e sakrificën, as këpucët nuk ia morën në transfertë! Ata i fshinë emrin nga Euro 24
22 Nëntor, 14:26 -
Vllaznia pret Teutën, Thomas Brdaric: Durrsakët me përgatitjen më të mirë fizike në kampionat, kemi mungesa
22 Nëntor, 13:44 -
Sylvinho 's'e ka parë' ende, Fiorentina ofron 10 milionë euro për Cristian Shpendin
22 Nëntor, 11:11 -
I doli emri si trajner te Inter Miami, Sylvinho tregon të ardhmen: Më vjen keq për rezultatin e fundit me Shqipërinë
22 Nëntor, 08:49 -
Beckham zgjedh Sylvinhon, trajneri i Kombëtares ka mundësi për të stërvitur Lionel Messin! Në lojë edhe Xavi
21 Nëntor, 15:38 -
'Sylvinho la për të dëshiruar, Kombëtarja ekip mendjemadh', Ditmar Bicaj për Report TV: Duhen emra të rinj, disave ua veshim fanellën me zor
21 Nëntor, 13:10 -
Kombëtarja duhet të 'fshijë' vitin 2024, pësuam shtatë humbje dhe 15 gola
21 Nëntor, 11:19 -
Kalendari/ Kryesuesit luajnë në shtëpi, spikat AF Elbasani - Tirana! Superliga rikthehet në dy ditë
21 Nëntor, 09:41 -
Dështimi i Kombëtares, Eduard Prodani në Report TV: FSHF është përgjegjëse, sukseset e ekipit s'lidhen me Dukën! Dënimi i Kosovës? UEFA të vendos litarin po ule kokën
20 Nëntor, 19:54 -
Dështimi në Ligën e Kombeve dhe formacioni, përplasje në Kombëtare! Kapiten Ismajli e Uzuni dalin publikisht kundër Sylvinhos
20 Nëntor, 16:43 -
Evropiani 2027 me Serbinë, Tifozat Kuq e Zi kundër Armand Dukës: Tradhti, dhjetëra mijëra të vrarë dhe gra të dhunuara
20 Nëntor, 16:20 -
Kupa e Shqipërisë/ Surprizë në Vlorë, Besa eliminon Flamurtarin! Tetë skuadrat që kalojnë më tej, në 1/8 spikat Tirana - Bylis (Çiftet)
20 Nëntor, 15:53
