POP 5

Lajmet më të lexuara të 5 minutave të fundit

Kronikë

Deshmia e rremë, Ylli Memia nuk
gjendet, Prokuroria s’kërkoi masë

Në shtëpinë e Ylli Memias më 24 shkurt të vitit 2013, pak orë pas vrasjes së Kryekomisar Dritan Lamajt, është mbajtur edhe takimi mes dëshmitarit të mbrojtur nga prokuroria i identifikuar me emrin Arben Ndoka dhe ish- drejtuesve të lartë të Policisë Agron Kuliçaj dhe Tonin Vocaj. VIDEO
Deshmia e rremë, Ylli Memia nuk<br />gjendet, Prokuroria s’kërkoi masë
Në shtëpinë e Ylli Memias më 24 shkurt të vitit 2013, pak orë pas vrasjes së Kryekomisar Dritan Lamajt, është mbajtur edhe takimi mes dëshmitarit të mbrojtur nga prokuroria i identifikuar me emrin Arben Ndoka dhe ish- drejtuesve të lartë të Policisë Agron Kuliçaj dhe Tonin Vocaj.
 
Takimi është kryer me ndërmjetësimin e Ylli Memisë, i cili deri 6 muaj më parë jetonte në këtë banesë, por që tashmë rezulton të jetë larguar jashtë vendit. Gjatë takimit mers Agron Kuliçajt Tonin Vocajt dhe dëshmitarit të mbrojtur në prani edhe të Ylli Memisë, ka dalë edhe emri i të dyshuarit kryesor të krimit Arben Frroku. Ndryshimi i dëshmisë së ish- gardistit Ylli Memia në Gjykatë bëri që prokuroria të kërkonte arrestimin e tij. Afërsisht 6 muaj pas kësaj dëshmie, Ylli Memia është larguar në rrugë të panjohur ndërsa policia dhe prokuroria nuk kanë ende një adresë të Memisë, ndonëse ndaj tij vijon një proces gjyqësor në gjykatën e Tiranës.

Edhe pse është cilësuar si një nga dëshmitarët kryesorë të procesit në ngarkim të Arben Frrokut, ndaj Memisë nuk ka asnjë masë shtrënguese. Dosja në ngarkim të Memisë, është dorëzuar në Gjykatë me 27 janar, por që nga ajo kohë edhe pse Memia, nuk është gjetur në banesë, prokuroria nuk ka kërkuar marrjen e një mase shtrënguese ndaj këtij të fundit. 
 

Kjo situatë ka bërë që ish- gardisti të largohet nga Shqipëria edhe pse në ngarkim të këtij të fundit zhvillohej në proces gjyqësor për dëshmi të rreme. 

Ndërkohë procesi gjyqësor në ngarkim të Memisë ende nuk ka nisur ndonëse gjykata ka administruar disa fletë thirrje ndaj tij, ku konfirmohet se ai nuk është gjetur në banesë.
 
 
Redaksia Online
(a.h/shqiptarja.com)

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Fier/ 18- vjeçarja vetplagoset me armë zjarri, ende nuk dihet shkaku

Fier/ 18- vjeçarja vetplagoset me armë zjarri, ende nuk dihet shkaku

4 Nëntor, 18:59