Klubi i Skënderbeut ka reaguar pas seancës së sotme që është zhvilluar në komisionin e apelit pranë UEFA-s, lidhur me dënimin disiplinor me përjashtim për një periudhë 10 vjeçare nga kompeticionet europiane dhe masën disiplinore financiare në vlerën 1 milion euro.
Seanca ka zgjatur 6 orë. Përveç presidentit Ardjan Takaj, ka dëshmuar edhe Sabien Lilaj, i cili ishte i kërkuar nga vetë anëtarët e Komisionit të Apelit.
Gjithashtu, me anë të një video-konference nga Korça, ka folur edhe futbollisti afrikan Bakari Nimaga, i cili nuk ka udhëtuar në Zvicër për shkak të dokumentacionit.
Në seancë janë pyetur edhe ish-kapiteni Bledi Shkëmbi (tani trajner i Lirisë së Prizrenit), ish-mesfushori kosovar Bernard Berisha (luan me Akhmat Grozny në Rusi), si dhe Liridon Latifi (Akadema Pushkash në Hungari), të tre protagonistë vite më parë me Skënderbeun në grupet e Europa League.
Në përfundim të seancës, klubi i Skënderbeut përmes një deklarate për mediat thekson se nuk presin drejtësi nga apeli në UEFA, por nga CAS. Komisioni i Apelit pritet të japë vendimin pas një jave nga kjo seancë dëgjimore, por dënimi prej 10 vitesh nga kupat e Evropës dhe gjoba prej 1 milion euro nuk besohet se do të hiqen apo reduktohen.
Bëhet fjalë për një gjykim që bëhet brenda UEFA-s nga dy komisione të të njëjtit organ dhe në bazë të precedentëve, Komisioni i Apelit nuk ka përmbysur një vendim të dhënë më parë nga Komisioni i Disiplinës apo i Etikës së UEFA-s.
Mundësitë për klubin korçar janë për në Gjykatën e Arbitrazhit Sportiv (CAS) të Lozanës, ku drejtuesit e Skënderbeut do të kërkojnë pafajësinë, e premtuar kjo edhe nga avokatët që po merren me këtë çështje.
Sot, më datë 26.04.2018, është zhvilluar seanca dëgjimore në komisionin e apelit pranë UEFA-s, lidhur me dënimin disiplinor ndaj Klubit të Futbollit ‘Skënderbeu’ me përjashtim për një periudhë 10 vjeçare nga kompeticionet europiane dhe caktimin e një mase disiplinore financiare në vlerën 1 milion euro nga komisioni i Kontrollit, Etikës dhe Disiplinës të UEFA-s.
Përfaqësuesit tanë ligjorë, kanë argumentuar sërish para trupave gjykuese të UEFA-s mospërfshirjen dhe pafajësinë e plotë të klubit në veprimtaritë e pretenduara nga Inspektorët e Disiplinës të UEFA-s.
Në seancën e zhvilluar sot në Lozanë, para panelit kanë dëshmuar pjesatarë të stafit drejtues, lojtarë aktualë dhe ish lojtarë të Skënderbeut, të cilët kanë mohuar kategorikisht akuzat e ngritura nga inspektorët e UEFA-s.
Duke marrë në konsideratë egzistencën e një marrëdhënie institucionale ndërmjet organeve gjykuese, Klubi i Futbollit ‘Skënderbeu’ rikonfirmon edhe njëherë mosbesimin për drejtësi në këtë fazë fillestare të procesit dhe shprehim edhe njëherë bindjen e plotë se strategjia e ndjekur nga bashkëpunëtorët tanë do të japë rezultatet e pritura në CAS, (Gjykatën e Arbitrazhit Sportiv).
Deklaratë e klubit të Skënderbeut
Lajme të tjera
-
Superliga/ Vllaznia fitore dramatike 2-1 kundër Teutës për kreun e Superligës! Në Korçë barazim 2-2 mes Skënderbeut dhe Dinamos
23 Nëntor, 19:13 -
OSBE, trajnim punonjësve të Burgjeve për standardet e të drejtave të njeriut
22 Nëntor, 15:44 -
Shorti i Ligës së Kombeve, Kosova kërkon Ligën B kundër Islandës! Në çerekfinale Itali - Gjermani dhe Holandë - Spanjë
22 Nëntor, 12:21 -
Dështimi i Kombëtares, Eduard Prodani në Report TV: FSHF është përgjegjëse, sukseset e ekipit s'lidhen me Dukën! Dënimi i Kosovës? UEFA të vendos litarin po ule kokën
20 Nëntor, 19:54 -
Shorti më 22 nëntor, skuadrat çerekfinaliste dhe verdiktet e plota në Ligën e Kombeve
20 Nëntor, 17:44 -
'Krimet me armë të lehta ndodhin kudo por në Shqipëri është më i ashpër' Ambasadori i OSBE-së: Siguria nuk është vetëm përgjegjesi e policisë
20 Nëntor, 17:32
-
Evropiani 2027 me Serbinë, Tifozat Kuq e Zi kundër Armand Dukës: Tradhti, dhjetëra mijëra të vrarë dhe gra të dhunuara
20 Nëntor, 16:20 -
Zyrtare/ UEFA me dorë të fortë, Kosova humbet 3-0 ndeshjen e braktisur në Bukuresht për racizëm! Rumania gjobë 128 mijë euro dhe një sfidë pa tifozë! FFK: E apelojmë në CAS
20 Nëntor, 15:12 -
Liga e Kombeve/ Shqipëria mposhtet 1-2 nga Ukraina në Tiranë, Kombëtarja mbyll Grupin B1 në vendin e fundit dhe rrëzohet në Ligën C
19 Nëntor, 22:36 -
Rusia jashtë Botërorit 2026, UEFA dhe FIFA nuk ndryshojnë qëndrim
19 Nëntor, 17:38 -
Mësoi vdekjen e së ëmës gjatë ndeshjes, futbollisti i Moldavisë luajti deri në fund! Më pas njoftoi shokët e skuadrës
18 Nëntor, 13:27 -
Liga e Kombeve/ Franca mposht 1-3 Italinë dhe i ‘rrëmben’ vendin e parë, Belgjika zhgënjim total! Anglia kthehet në Ligën A, Greqia e pëson nga golavarazhi
18 Nëntor, 08:49
