Dështimi i bisedimeve Kosovë-Serbi, eurodeputetja: Kurti e Vuçiç të kthehen në tryezë, në kohë luftërash përshkallëzimi është gjëja e fundit që duhet

Raportuesja për Kosovën në Parlamentin Europian, Viola von Cramon ka bërë thirrje ndaj kryeministrit të Kosovës, Albin Kurti dhe presidentit serb, Aleksandër Vuçiçqë të kthehen sërish në tavolinën e negociatave.

Nëpërmjet një postimi në twitter, Von Cramon shkruan se dy liderët duhet të ktheheshin në tryezën e dialogut pasi nuk kishte tjetër alternativë. Ajo theksoi se arritja e një kompromisi kërkon vullnet politik dhe udhëheqës të guximshëm.

“Arritja e një kompromisi kërkon vullnet politik dhe udhëheqësi të guximshme për të gjetur një zgjidhje të qëndrueshme. Prandaj i bëj thirrje të dyve Albin Kurtit dhe Aleksandar Vuçiqit të kthehen në tryezën e negociatave, pasi nuk ka alternativë ndaj dialogut të udhëhequr nga BE-ja të ndihmuar nga Miroslav Lajçaku”- ka shkruar Von Cramon.

Eurodeputetja tha se nuk kishte pasur interesim të vërtetë për arritjen e një marrëveshje mes Serbisë dhe Kosovës nën ndërmjetësimin e Bashkimit Europian.

“Më vjen thellësisht keq që nuk kishte interesim të vërtetë për të arritur një marrëveshje mes Serbisë dhe Kosovës nën ndërmjetësimin e BE-së. Shumë gjëra janë në rrezik, përfshirë edhe integrimi i arritur tashmë në veri të Kosovës. Në kohë të luftërave, gjëja e fundit që duhet është një përshkallëzim në oborrin tonë të brendshëm” shkruan eurodeputetja.

Lajmi kryesor:

Dështojnë bisedimet për targat në Bruksel/ BE e ashpër me Kurtin: Nuk pranoi propozimin tonë! Palët treguan papërgjegjshmëri, sjellje jo konstruktive

B.V/Shqiptarja.com

TAG:
• Viola von Cramon
• Albin Kurti
• aleksander vucic
• tensionet kosove-serbi
• reciprociteti i targave