Dështimi i Francës, nga maja e botës në zhgënjimin në Euro 2020, ja arsyet, rrezikon trajneri Deschamps dhe gati bëhet Zidane

“U rrëzuam nga kaq lart”. Ky ka qënë një prej titujve në mediat franceze për eliminimin e pabesueshëm të Francës që në fazën e 1/8 të Euro 2020. Kampionët e Botës u eliminuan nga Zvicra pas penalltive në fund të një ndeshje të çmendur e të pabesueshme. Vetëm Franca mund ta humbte Europianin dhe kështu ndodhi shkruajnë mediat. Për herë të parë në 11 vite ku në Botërorin afrikan të 2010-tës Franca u eliminua që në grup ,transalpinët nuk arrijnë të kalojnë mes tetë më të mirave të turneut. Diçka e pabesueshme po të mendosh në vigjilje të Euro 2020 skuadra e drejtuar nga Deschamps ishte favoritja kryesore për të fituar trofeun, me sulmin më të fortë dhe mesfushën cilësore. Franca nuk tregoi vazhdimësi dhe shfaqi dobësi që në ndeshjen e parë ndaj Gjermanisë. “Gjelat” pësuan të parët ndaj Hungarisë, Portugalisë e Zvicrës pra në tre nga katër ndeshje. Ndoshta ka qënë shumë e ekzagjeruar vetëdija që ishte skuadra më e fortë në letër dhe në emra të përveçëm ajo që i hoqi ekipit “ligësinë” që duhet në kompeticione të tilla.Nga maja e botës në dështimin më të madh, situatë që sheh të rrezikojë postin edhe trajneri Deschamps i cili thotë:

“Unë jam i qetë pasi futbolli është i tillë. Kur fiton e kanë meritën lojtarët dhe kur humb është faji i trajnerit. Unë marr përgjegjësitë e mia për humbjen që dhemb shumë por do ketë edhe momente të tjera më të mira”thotë trajneri.Pavarësisht se kontrata e tij skadon në fund të Botërorit të Katarit në vitin 2022 emri i Zinedine Zidane ka filluar të qarkullojë. Ndërkaq Mbappe ylli i skuadrës që dështoi më shumë se të tjerët dhe humbi penalltinë ndaj helvetëve thotë se ka dështuar dhe se është i shkatërruar për penalltinë e humbur. Në Euro 2020 Franca dështoi./Pergatiti Andi Kapxhiu

/KT/Shqiptarja.com

TAG:
• Franca
• Zinedin Zidan
• euro 2020