Dështoi të parandalonte sulmin e Hamasit më 7 tetor, jep dorëheqjen shefi i Inteligjencës Ushtarake izraelite

Aharon Haliva, Shefi inteligjencës ushtarake të Izraelit dha dorëheqjen të hënën për dështimin e ushtrisë për të parandaluar sulmin në Izraelin jugor të kryer nga Hamasi më 7 tetor. Haliva bwhet zyrtari i parë i lartë që jep dorëheqjen si përgjegjës për mos-parandalimin e sulmit të Hamasit.

Haliva kishte treguar tashmë se ai do të tërhiqej pas përfundimit të luftës dhe duket se do të mbetet në këtë rol derisa të emërohet një zëvendësues. Gazeta Ynet publikoi letrën e tij të dorëheqjes. Gjenerali i kishte përshkruar ngjarjet e 7 tetorit si "një dështim të inteligjencës ushtarake".

“Drejtoria e inteligjencës nën komandën time nuk e përmbushi detyrën që na ishte besuar. E mbaj atë ditë të zezë me vete qysh atëherë, ditë pas dite, natë pas nate. Dhimbjen do ta mbaj me vete përgjithmonë”, ka shkruar Haliva në letrën e dorëheqjes.

Haliva kishte thënë publikisht se ai kishte fajin për mosparandalimin e sulmit si shef i Inteligjencës Ushtarake. 

Lajmi kryesor:

Lufta/ Dorëhiqet kreu i Inteligjencës Ushtarake izraelite! Gjenden 210 trupa në varrin masiv në Gaza! Media: Plani i Izraelit përfshinte një sulm më të gjerë ndaj Iranit

SI.E./Shqiptarja.com

TAG:
• lufta ne rripin e gazes