Dështojnë negociatat për targat në Bruksel, ambasadori britanik në Kosovë: Zhgënjyese! Palët të shmangin veprimet që mund të çojnë në përshkallëzim të situatës

Nicholas Abbott

“Është zhgënjyese që sot nuk është arritur asnjë marrëveshje”, kështu shprehet ambasadori britanik në Kosovë, Nicholas Abbott lidhur me dështimin e bisedimeve për çështjen e targave mes kryeministrit Albin Kurti dhe presidentit Aleksandër Vuçiç në Bruksel.

Abbott thotë se situata aktuale paraqet rrezik për sigurinë e njerëzve në Kosovë dhe bëri thirrje që gjitha palët të shmangin veprimet që mund të çojnë në një përshkallëzim të tensioneve.

“Është zhgënjyese që sot nuk është arritur asnjë marrëveshje. Situata aktuale paraqet rrezik për sigurinë dhe jetesën e njerëzve të zakonshëm në Kosovë dhe largon vëmendjen nga misioni i qeverisë për të përmirësuar jetën e tyre. Të gjitha palët duhet të shmangin veprimet që mund të çojnë në një përshkallëzim të tensionit ose të shkaktojnë kërcënime për sigurinë. Nevoja urgjente është të bëhet përparim në një marrëveshje normalizimi që do t'i bënte të panevojshme mosmarrëveshjet për çështje të tilla si targat.”, shkruan ambasadori britanik në Facebook.

Lajmi kryesor:

Dështojnë bisedimet për targat në Bruksel/ BE e ashpër me Kurtin: Nuk pranoi propozimin tonë! Palët treguan papërgjegjshmëri, sjellje jo konstruktive

S.C/M.Q./Shqiptarja.com

TAG:
• Josep Borell
• Dialogu Kosovë Serbi
• plani franko-gjerman
• aleksander vucic
• Albin Kurti
• Bruksel
• kosove
• serbi
• reciprociteti i targave
• tensione ne veri te kosoves