POP 5

Lajmet më të lexuara të 5 minutave të fundit

Politikë

Dështon tryeza, Ruci:Miratoni
reformat; PD:Jo ultimatumeve

Negociatat mes Partisë Demokratike dhe asaj Socialiste nuk kanë sjellë asnjë rezultat. Pas takimit prej 45 minutash Ruçi propozioi thirrjen e tryezës me drejtuesit e partive parlamentare: Jo president, pa miratimin e reformave dhe heqjen e imunitetit. Patozi: Negociatat nuk bëhen me ultimatume.
Ja katër propozimet e PS për demokratët
Swoboda: Presidenti të jetë mbi politikën, bëni reformë gjithpërfshirëse
VIDEO - Asnjë rezultat pas takimit Ruçi - Patozi
Meta: Berisha tako Ramën konsesus për reformat
Zbardhet dialogu, Berisha: S'ia fal Ramës 21 janarin
Dështon tryeza, Ruci:Miratoni<br />reformat; PD:Jo ultimatumeve
TIRANË – Socialistët dhe demokratët nuk kanë gjetur dot gjuhën e përbashkët lidhur me zgjedhjen e Presidentit të ri të vendit. Negociatat nisën në orën 11.00, në niveline drejtuesve të grupeve kuvendor, ku PD përfaqësohej nga Astrit Patozi dhe Edmond Spaho, ndërsa PS nga Gramoz Ruçi dhe Sajmir Tahiri.

ORA 12:00 – PATOZI: RAMA BËN PRESION
Kryetari i grupit kuvendor demokrat e ka cilësuar të dështuar takimin me përfaqësuesit e Partisë Socialiste. Sipas tij, Ruçi dhe Tahiri paraqitën në takim platformën editoriale të kryesocialistit Rama.
“Kemi hyrë në proces për një president sa më konsensual. U kemi bërë të qartë se në rast se do kenë të njëjtin qëndrim si ne, atëherë rriten shanset. Por, nëse ecin me editorialin e Ramës atëherë janë të dështuar. Pas kësaj të papriture që ndodhi ne do mbajmë të hapur portën e dialogut. Por, kjo nuk bëhet as me ultimatume as me presione ballkanike”, tha Patozi për gazetarët.
Lidhur me kërkesat për miratimin e reformave Patozi u shpreh: “Kemi prirjen për të zgjidhur pikat e tjera nëse nuk do të ekzistonte bllokimi i Ramës”.


ORA 11: 45 MBYLLET TAKIMI, RUÇI: TE TAKOHEN KRYETARET
Kryetari i grupitn kuvendor socialist, Gramoz Ruçi tha pas takimit se demokratëve u është bërë një propozim konkret, i cili ka në themel të tij, një tryezë me kryetarët e 6 grupeve parlamentare.
Tryeza, sipas tij duhet të trajtojë 4 çështje të rëndësishme për integrimin.

1. Të finalizohet reforma zgjedhore
2. Të miratohet përfundimisht reforma parlamentare
3. Të finalizohet dhe miratohet formula për kufizimin e imunitetit për zyrtarët e lartë të shtetit
4. Ndërtimi i një procesi gjithëpërfshirës për zgjedhjen e dakordësuar të Presidentit të ri që në raundin e parë.


PD LAJMEROI DJE TAKIMIN
Lajmi u bë i ditur dje nga zëdhënësja e Partisë Demokratike, Silvi Bardhi, në një njoftim për shtyp.

“Të djelën në orën 11:00 do të takohen negociatorët e mandatuar të Partisë Demokratike, Astrit Patozi dhe Edmond Spaho, me kryetarin e grupit parlamentar të PS-së, Gramoz Ruçi, për të negociuar për zgjedhjen e presidentit të ri të vendit”, thuhet në një njoftimin e shkurtër që doli mbrëmjen e djeshme nga selia blu.

Në këtë takim Partia Socialiste do të përfaqësohet nga kryetari i grupit parlamentar, Gramoz Ruçi, dhe n/kryetari i ketij grupi, Sajmir Tahiri. Takimi do të mbahet në Kryesinë e Kuvendit.

Kreu i grupit Parlamentar të PD-së, Astrit Patozi i kërkoi të premten përmes një letre publike, kreut të grupit të majtë në Parlament, Gramoz Ruçi që të nisnin negociatat për zgjedhjen e Presidentit. Në letrën e tij Patozi shkruante se “ne jemi të hapur të bisedojmë sa me shpejt  për zgjedhjen e Presidentit.

Negociatat zyrtare për zgjedhjen e Presidentit nisën te premten me takimin e shefit të mazhorancës, Sali Berisha me aleatin e tij kryesor, kreun e LSI, Ilir Meta. As Meta dhe as Berisha nuk thanë emra për Presidentin e ri, por thanë se dialogu është në rrugë të mbarë. Po dje Berisha takoi dy aleatët e tjerë Mediun e Republikanes dhe Idrizin e PDIU.

Në përfundim të takimeve, Berisha tha se nuk do ta takoj Edi Ramën personalisht për zgjedhjen e Presidentit, pasi siç tha ai “ne kemi bërë marrëveshje të mëdha edhe pa u takuar”. Gjatë takimit me Metën, Berisha mësohet të jetë shprehur se “nuk ia fal Edi Ramës protestën e 21 janarit”.

Ndërsa lideri i majtë, Edi Rama, është shprehur se është gati të takojë Berishën, por duhet të pëcaktohen më parë modalitetet për zgjedhjen e Presidentit.

(aq/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Lufta në Ukrainë/ Dezertori rus: Në shkurt 2022 ishim gati për sulm bërthamor

Lufta në Ukrainë/ Dezertori rus: Në shkurt 2022 ishim gati për sulm bërthamor

26 Nëntor, 16:24