Dha leje për ndërtime në bregdetin e Shëngjinit/ IKMT padit penalisht kreun e Bashkisë së Lezhës

Inspektorati Komëbtar i Mbrojtjes së Territorit (IKMT) ka kallëzuar kryetarin e Bashkisë së Lezhës, Fran Frrokaj, dhe drejtorin e Drejtorisë së Planifikimit të Territorit, Sokol Toma.

Sipas IKMT, Frrokaj dhe Toma kanë vepruar në kundërshtim me ligjin, duke dhënë leje ndërtimi në vijën bregdetare të Shëngjinit, duke cenuar interesin publik dhe mbarëvajtjen e sezonit turistik.

Deklarata e Plotë e IKMT

IKMT kallëzon penalisht kryetarin e Bashkisë Lezhë

Inspektorati Kombëtar i Mbrojtjes së Territorit ka kallëzuar sot penalisht pranë Prokurorisë së Rrethit Gjyqësor Lezhë, kryetarin e Bashkisë, z. Frran Frokaj. Kryebashkiaku i Lezhës, akuzohet per veprën penale të shpërdorimit të detyrës. Së bashku me Kryetarin e Bashkisë, IKMT ka kallëzuar penalisht edhe drejtorin e Drejtorisë së Planifikimit te Territorit z. Sokol Toma.

Të dy këta persona duke vepruar në kundërshtim të hapur me ligjin, kanë dhënë leje për kryerje ndërtimesh në vijën bregdetare te Shëngjinit, objekte që nga vetë ky institucion (Inspektorati Mbrojtjes së Territorit) janë konstatuar të paligjshme. Madje leje janë dhënë edhe për të ndërtuar në vende ku më parë janë prishur objekte të jashtëligjshëm nga IKMT.

Këto veprime hapur në kundërshtim me ligjin, të konstatuara nga IKMT përgjatë inspektimit të saj në territorin administrativ të bashkisë Lëzhë, kanë cënuar rëndë interesin publik në këtë territor, mbarëvajtjen e sezonit turistik.

IKMT shpreh vendosmërinë e saj, në mbrojtjen e territorit kundër abuzimeve të paligjshme, apo “të kopsitura” nga zyrtarë që shkelin ligjet dhe besimin e qytetarëve.

TAG:
• fran frrokaj
• IKMT