POP 5

Lajmet më të lexuara të 5 minutave të fundit

Sociale

Dhjetëra banorë të Zhitomit në Poliçan izolohen në dimër! Rruga e paasfaltuar, banorët: Lëvizim me karroca kuajsh

50 familje në Zhitom të Poliçanit janë pothuajse të izoluar në dimër, pasi rruga me zhavorr tejet e amortizuar është e pakalueshme nga reshjet. Ata lëvizin me karroca kuajsh për raste emergjente. Përmes Report TV banorët i kërkojnë bashkisë të asfaltojë segmentin prej 8 kilometrash

Me dhjetëra banorë në fshatrat Zhitom i Vogël e Zhitom i Madh në njësinë administrative Tërpan pjesë e Bashkisë së Poliçanit prej vitesh vuajnë për rrugë.

Siç shihet në pamje, segmenti nga Droboniku në Zhitom me gjatësi 8 kilometra është i paasfaltuar dhe në dimër bëhet i pakalueshëm, për shkak të gropave të shumta me ujë.  Banorët tregojnë se në fshat hyjnë me vështirësi vetëm fuoristradat, ndaj për emergjenca shëndetësore janë të detyruar të lëvizin me karroca kuajsh.

“Makina ime nuk ka shanse të hyjë. E lë këtu makinën dhe eci pastaj 2 kilometra në këmbë se janë gropat e mëdha”, tregon një i ri.

Ndërsa pyetjes se si i transportoni të sëmurë, ai përgjigjet “me gomar ose me karroca me kuaj”.

“Në fshatra banorët janë larguar, sot kanë mbetur rreth 50 familje”, tha një tjetër.

Ka 20 vjet që rruga nuk shtrohet. Kur bie shi izolohemi, fëmijët nuk i çojmë në shkollë. Problem i madh është për të sëmurët.

Banorët thanë se ndarja territoriale i ka penalizuar edhe më shumë. Dy fshatrat, Zhiton i madh dhe Zhiton i vogël gjeografikisht janë afër Beratit, por nga ana administrative i ka bashkia e Poliçanit. Banorët gjithashtu thanë se sa herë ka zgjedhje, politikanët premtojnë në fushatë se do asfaltojnë rrugën, por asnjëherë nuk e kanë mbajtur premtimin.

Kjo zonë është e njohur për vreshtari dhe kulturën e ullirit por rruga i paralizon banorët që të nxjerrin produktet të treg dhe të zhvillojnë ekonominë familjare.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si i vlerësoni potestat e dhunshme të Rithemelimit tek Bashkia?

Lajme të tjera



×

Lajmi i fundit

Tritol banesës së gjyqtarit të Shkodrës! KLGJ mblidhet nesër për ta marrë në mbrojtje! Ministri Balla i telefonon Sterkajt

Tritol banesës së gjyqtarit të Shkodrës! KLGJ mblidhet nesër për ta marrë në mbrojtje! Ministri Balla i telefonon Sterkajt

28 Prill, 13:54