POP 5

Lajmet më të lexuara të 5 minutave të fundit

Kronikë

Dhjetëra hektarë tokë të përmbytura në Lezhë shkaktojnë dëme në bujqësi, fermerët: Mbjellim, por nuk korrim

Shirat e ditëve të fundit kanë lënë pas qindra hektarë tokë të përmbytura në fushën e Torovicës në Lezhë. Fermerët shprehen se dëmet janë kolosale në kulturat bujqësore, ndërsa përmbytjet janë të përvitshme, ndaj ka rënë interesi për të zhvilluar sektorin e bujqësisë.

Në pamje nuk po shihni një liqen, por është Fusha e Torovicës në Lezhë.

Ndonëse reshjet e shiut janë ndërprere prej dy ditësh, dhjetëra hektarë tokë bujqësore ndodhen nën pushtetin e ujit.

Përmbytja po dëmton të mbjellat e dimrit, ndërsa fermerët thonë se kjo situatë është e vazhdueshme sa herë ka reshje të dendura shiu.

"Është e mbytur komplet, po bën dëm shumë se na ka përmbyt grurin e jonxhën. Grurin e shkatërron, se uji i kalb prodhimet. Me mbjell e mos me korrë!, i thonë një fjale", shprehen banorët.

Ndërkohë referuar të dhënave të Bashkisë Lezhë vetëm gjatë këtij viti janë hapur 120 km kanale kulluese të dyta dhe të treta përfshire dhe Torovicën, por reshjet e fundit treguan se kjo ndërhyrje nuk ka qenë e mjaftueshme.

Pavarësisht rëndësisë që ka kjo tokë bujqësore në njësinë administrative Balldren të Lezhës, me rreth 1 mijë familje, përmbytjet sjellin humbje të mëdha, ndaj ka rënë interesi i fermerëve për të punuar në sektorin e bujqësisë.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Sali Berisha: Do heqim mesataren për pranimin në universitete! Studentët do marrin 200 euro çdo muaj

Sali Berisha: Do heqim mesataren për pranimin në universitete! Studentët do marrin 200 euro çdo muaj

17 Dhjetor, 22:51