Vlore - Dhjetra peshq të ngordhur kanë dalë në breg të liqenit në fshatin Bestrovë. Masakra mjedisore është denoncuar nga vetë fshatarët të cilët thonë jashtë kamerave se kjo situatë vijon prej 3 ditësh.
Jashtë kamerave banorët e fshatit hedhin dyshime se në liqen mund të jenë hedhur mbetje apo lëndë toksike që mund të kanë sjellë dhe ngordhjen masive të peshqeve.
Report Tv sjell dhe video nga ky përgjatë gjithë bregut janë peshq të ngordhur.
Banorët thonë se kanë parë persona të cilët peshkojnë natën në këtë liqen dhe mund të kenë shkaktuar ndotjen. Shqetësim për ta mbetet dhe për vetë faktin se në këtë liqen pijnë ujë dhe bagëtitë e banorëve.
Banorët kërkojnë që autoritet të shkojnë për të verifikuar situatën dhe të evidentohen shkaqet apo dhe personat përgjegjës