Komisioni i Apelit në Federatën Shqiptare të Futbollit nderon Tiranën. E ndërsa fillimisht vendosi që derbi me Partizanin të zhvillohej me tifozë duke lënë tifozerinë e Tiranës që të ishte e pranishme, tashmë Komisioni i Apelit shfuqizon vendimin e Disiplinës për ndalimin e konvertimit të dënimeve për bardheblutë dhe i heq gjobën 200.000 Lekë për incidentet në Elbasan.

Kështu 24 herë kampionët e vendit që në ndeshjen në vazhdim mund të konvertojnë dënimin për ndeshjet brenda, pasi ka shlyer gjysëmn e dënimit pas incidenteve në Shkodër. Gjysma e mbetur e dënimit mund të konvertohet në para, gjë e cila është gati që të bëhet nga drejtuesit e Tiranës.

Ndërsa përsa i përket ndeshjeve jashtë fushe, Tiranës i është ulur dënimi nga 6 ndeshje  në 4, duke i zbritur 2 ndeshje.  “Tirana për hedhje të sendeve të forta dhe flakadaneve në fushën e lojës nga tifozët e saj, duke shkaktuar akte dhune dhe ndërprerje të përkohëshme të lojës, si veprim i përsëritur nga ana e tifozerisë së këtij ekipi, dënohet me zhvillimin e  4 ndeshjeve pa pjesëmarrjen e tifozëve në ndeshjet që ky ekip do të zhvillojë si udhëtues.

Ndërsa pika 4 e vendimit të datës 26.11.2014 të Disiplinës për konvertimin e dënimit shfuqizohet. Tirana detyrohet të zhdëmtoje dëmet e kryera nga tifozëria në sektorin përkates, referuar raportit të hartuar nga administrata e stadiumit “Elbasan Arena” thuhet në raport.



FEDERATA SHQIPTARE  E  FUTBOLLIT

KOMISIONI APELIT
 
Proces-verbal
 
I mbajtur sot ne daten 16.12.2014 ora 17.00 ne mbledhjen e Komisionit te Apelit te FSHF per shqyrtimin e kerkesave  ankimore drejtuar Komisionit te Apelit nga ankuesi KF “Tirana”,  kunder vendimit  te Komisionit te Disiplines se FSHF-se  te dates 26.11.2014 pika 2,3 dhe 4.

Komisioni i Apelit pasi u njoh me apelimet e paraqitur nga perfaqesuesi te KF ”Tirana” si dhe dokumentacionin e paraqitur nga Sekretariati Teknik :

VENDOSI
  1. Pika 2 te vendimit te dates 26.11.2014 te KDS, ndryshohet si meposhte:
KF “Tirana”, per hedhje te sendeve te forta dhe flakadaneve ne fushen e lojes nga tifozet e saj, duke shkaktuar akte dhune dhe nderprerje te perkoheshme te lojes,si veprim i perseritur nga ana e tifozerise se ketij ekipi,denohet me zhvillimin e4(kater) ndeshjeve pa pjesemarrjen e tifozeve te ketij ekipi ne ndeshjet qe ky ekip do te zhvilloje si ekip udhetues , bazuar ne nenin 66/3.b te KDS. Ekzekutimi i ketij denimi nga klubet pritese, do te realizohet duke mos siguruar vendet e percaktuar ne stadium per tifozerine mike.
  1. Pika 3 te vendimit te dates 26.11.2014 te KDS, ndryshohet si meposhte:
KF “Tirana” detyrohet te zhdemtoje demet te kryera nga tifozeria e saj ne sektorin perkates, referuar raportit te hartuar nga administrata e stadiumit “Elbasan Arena”.
  1. Shfuqizimin e pikes 4 te vendimit me date 26.11.2014 te KDS.
                                                                    Komisioni i Apelit
                             Anetar                                    Kryetar                                      Anetar
                        Julian Haxhiu                             Envi Hicka                                  Arjan Salati
                                 
 
 
                           Anetar                                                                              Anetar
                   Bledar Abdullai                                                                    Altin Shkurti
                                                                         
 





d.b/shqiptarja.com