POP 5

Lajmet më të lexuara të 5 minutave të fundit

Sociale

Dhuna në familje, 4200 denoncime
nga gratë, 900 viktima meshkuj

Dhuna në familje vazhdon të jetë në shifra alarmante. Vetëm për vitin 2016 janë regjistruar 4200 raste ku gratë kanë denoncuar dhunën e ushtruar ndaj tyre, ndërsa burra që kanë denoncuar janë 900, prej tyre vetëm 20 raste kanë qenë të dhunuar nga bashkëshortet e tyre. Këto shifra u publikuan sot në aktivitetin për publikimin e standardeve matëse të dhunës si dhe promovimin e linjës së këshillimit për të mbijetuarit  e dhunës. Vetë ministri i mirëqenies sociale dhe Rinisë, Blendi Klosi, u shpreh se Pakti Social që kjo ministri ka, ka për qëllim rikthimin në jetën normale të të mbijetuarve të dhunës.  VIDEO
Denoncimet e dhunës brenda familjes, për vitin 2016 njohin shifra të larta. Vetëm në vitin që lamë pas janë denoncuar raste të dhunës në familje, ku viktima e dhunës i përket seksit mashkull janë 900 raste.

Prej tyre vetëm 20 kanë qenë gratë që kanë ushtruar dhunë ndaj burrave të tyre, pjesa tjetër ka qenë dhunë brenda familjes, ku babai rreh djalin apo vëllai- vëllanë e kështu me radhe. Ndërsa gra të dhunuara dhe që kanë denoncuar dhunën janë 4200 raste, ku mes tyre 18 që kanë humbur jetën për shkak të dhunës së ushtruar.
 
Enrida Bllaca, juriste pranë linjës së këshillimit të grave dhe vajzave, për Report Tv është shprehur se rastet e dhunës që regjistrohen nëpërmjet telefonit e kalojnë shifrën e 7 mijë rasteve në vit.

“Rasti kur përfshihen burrat janë raste që adresojnë dhunën midis familjarëve meshkuj, babai me djalin, dhe e kundërta apo me kushërinj. Problematika që haset mund të adresohet nga punonjësit ligjzbatues si dhunë në familje por jo në të gjitha rastet bëhet fjalë për dhuna nga bashkëshortët drejt bashkëshorteve, këto janë raste shumë të rralla që nuk kalojnë më shumë se 20 në nivel kombëtar”, shprehet Bllaca.

Ndërkohe po sot, vetë ministri i Mirëqenies Sociale dhe Rinisë, Blendi Klosi u shpreh se pakti i mirëqenies sociale ka në fokus rikthimin në jetën normale të të mbijetuarave të dhunës.

“Duhet të kemi një besim më të madh te qytetarët që këtu ka një këshillim të sinqertë dhe ka një sistem që i merr në mbrojtje. Kemi parë që ka disa institucione, ka një linjë shteti qendror dhe lokal që së bashku me shoqërinë civile mund të trajtojnë rastet e dhunës”, u shpreh Klosi.
 
Deklarata u bë në aktivitetin e publikimit të standardeve për trajtimin e çështjeve të dhunës si dhe linjës së këshillimit 116 dhe 117. 
 
Numri i telefonit pa pagesë për të denoncuar dhunën si dhe për të marrë këshillat për referim institucional janë 116 dhe 117. Tashmë këta numra janë në dispozicion 24 orë.

Redaksia Online
Al.N/Shqiptarja.com

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

New York Times: Vuçiç 'sakrifikoi' kryeministrin që të fitojë kohë

New York Times: Vuçiç 'sakrifikoi' kryeministrin që të fitojë kohë

28 Janar, 22:32