Keqtrajtimi i të miturve nuk është një rast i izoluar, më i fundit është shënuar tre ditë më parë ku administratorja e kopshtit të palicensuar "Diren", Anjeza Shabani, u prangos pas pamjeve filmike ku godiste një të mitur tre vjeçar.

Por çfarë ndodh me këtë vepër penale e parashikuar në kod sipas nenit 124/b. Referuar penaliteteve Kodi shprehet se “Keqtrajtimi fizik ose psikologjik i të miturit nga prindërit, motra, vëllai, gjyshi, gjyshja, kujdestari ligjor ose çdo person që është i detyruar të kujdeset për të, dënohet me burgim nga tre muaj gjer në dy vjet”.

Nga një vëzhgim i Report Tv vetëm në gjykatën e Tiranës për periudhën Janar-Qershor 2016 rezultojnë 6 raste të keqtrajtimit të fëmijëve në proces gjykimi.

Por këto janë vetëm shifrat zyrtare e padive që hetohen dhe dërgohen në gjykatë, ndërsa jo zyrtarisht burime për Report Tv nga Policia e Shtetit thanë se përafërsisht shënohen nga 4 raste në ditë të dhunën dhe keqtrajtimit të të miturve.

Ndalur dhe në statistikat zyrtare të Prokurorisë, vepra penale e keqtrajtimit të të miturve referuar nenit 124/b siç, shënon plot 37 raste, këto të shpërndara në kopshte, çerdhe si dhe familje.

tabelat
tabelat
(Statistikat pë rastet e dhunës)

Redaksia Online
l.q/Shqiptarja.com