Skenat e sulmit të anëtarëve të fisit Rraja ndaj Jashar e Bilbil Majës më 6 korrik të këtij viti, kanë rezultuar plagosje e lehtë, sipas aktit të ekspertimit mjeko-ligjor. Ky fakt, evidentohet në një shkresë e prokurorisë së Tiranës të datës 8 gusht 2023 drejuar komisariatit të Krujës, për dhunën e anëtarëve të fisit Rraja të ushtruar ndaj banorëve të Borizanës pas konfliktit për guroret.

Në dokumentin me numër protokolli 0030, prokuroria thotë se në datën 8 korrik ka regjistruar procedim penal ndaj shtetasve Ineidi Rraja, Andi Rraja, Eni Kullaj, Përparim Rraja, Xhelal Rraja, Famur Rraja, Rexhep Rraja, Klajdi Rraja dhe Edison Meta për veprën “plagosje e rëndë me dashje” në bashkëpunim. Mesditën e 6 korrikut 2023 këta shtetas kanë sulmuar me mjete të forta shtetasit Jashar e Bilbil Maja. Organi i akuzës, shkruan se nga akti i ekspertimit mjekologjor numër 1620 i datës 24 korrik 2023, për shtetasin Jashar Maja dhe akti i ekspertimit mjeko ligjor numër 1621 i datës 24 akorrik 2023 për Bilbil Majën, konstatuan dëmtime të shkaktuara me mjet të fortë mbretës që nuk janë të rrezikshme për jetën që kanë sjellë humbje të aftësisë për punë në masën mbi 9 ditë.

Mbështetur në kriterin mjekësor, të parashikuar në ligj, dëmtimet e shtetasve Jashar e Bilbil Maja e klasifikojnë veprën penale të kryer ndaj tyre si “plagosja e lehtë me dashje”, parashikuar nga neni 89 i Kodit Penal. Në këto kushte, prokuroria sqaron se vepra penale “plagosja e lehtë me dashje” nuk bën pjesë në ato raste për të cilat ndjekja penale fillon kryesisht. Megjithë dokumentin e bërë publik, prokuroria e Tiranës, reagoi duke sqaruar se akuza nuk ka ndryshuar ende për anëtarët e fisit Rraja dhe se ata, po hetohen edhe për veprën penale të kanosjes pasi Flamur Rraja dhe Xhelal Rraja kanë pasur në duar edhe sende që dukeshin si pistoletë, që i kanë përdorur për të kanosur Bilbil Majën dhe Jashar Majën, duke ua drejtuar atyre, por edhe për ti goditur ata në pjesë të ndryshme të trupit.

Prokuroria thotë se megjithë aktin e ekspertimit mjekësor, hetimi është në vijim dhe akuza ndaj të dyshuarve mund të ndryshojë duke u rënduar në varësi të provave të tjera. Anëtarët e fisit Rraja dhunuan dy kushërinjtë Jashar e Bilbil Maja pas protestës së këtyre të fundit kundër gurorëve të cilat me gërmimet në tokë përmes shpërthimeve me eksploziv, sipas tyre kanë dëmtuar banesat e zonës.

Rendit zhvillimet sipas orarit:
Ora 15:47
Mjekët ligjorë ‘lehtësuan akuzën’ ndaj fisit Rraja, prokuroria e Tiranës sqaron: Sipas ekspertizës ishte plagosje e lehtë! Hetimet vijojnë

1688894409_ineidirrajaenikullakujtimprdakuandirraja.jpg

Prokuroria e Tiranës ka reaguar lidhur me rastin e dhunës që anëtarë të fisit Rarja ushtruan ndaj dy kushërinjve Maja për guroren. Në një reagim, prokuroria sqaron se ka mbërritur aktekspertimi dhe sipas përfundimit të mjekëve ligjorë dhuna e 6 korrikut ndaj Jashar dhe Bilibil Majës ka rezultuar plagosje e lehtë me dashje.

Në argumentimin e saj Prokuroria thotë se "sipas ekspertizës mjekoligjore të bërë ndaj Bilibil Majës është konstatua thyerje e kockës të anës së djathtë të kokës, pa dëmtime të indit trunor, plagë në lëkurën e kokës, thyerje e kockës ulnare të parakrahut të majtë si dhe shembje të indeve të buta të kokës dhe të trupit, dëmtime të shkaktuar me mjet të fortë mprehtë, që nuk kanë qenë të rrezikshme për jetën në momentin e shkaktimit dhe si të tillë hyjnë në kategorinë e atyre dëmtimeve, që kanë sjellë si pasojë humbje të aftësisë së përkohshme për punë, në masën mbi nëntë ditë."

Për këtë arsye sipas Prokurorisë, anëtarët e fisit Maja po hetohen për kauzën “plagosje e lehtë me dashje” dhe “Kanosja”. Hetimet për këtë çështje vijojnë ende, nuk ka as komunikim akuze dhe nuk përjashtohet sërish as mundësia që akuza të ndryshojë sërish, pasi në këtë fazë aktekspertimi ka nxjerrë dëmtime të lehta. 

Reagimi i plotë i Prokurorisë së Tiranës

Reagim mbi procedimin penal në ngarkim të personave nën hetim për ngjarjen në Krujë

Duke marrë parasysh ndjeshmërinë e madhe të opinionit publik për ngjarjen e datës 08.07.2023 në Krujë, si dhe publikimet e shumta në media në lidhje me këtë çështje, Prokuroria Tiranë dëshiron të informojë se: 

Në datën 08.07.2023 Prokuroria e Rrethit Gjyqësor Tiranë ka regjistruar procedimin penal Nr 5335, në ngarkim të personave nën hetim I.Rr., A.Rr., E.K., P.Rr., Xh. Rr, F. Rr, R. Rr, K. Rr. dhe E. M. për veprën penale “Plagosje të rëndë me dashje” në bashkëpunim, parashikuar nga nenet 88/1 e 25 të K.Penal. Personat nën hetim në fjalë, në mesditën e datës 06.07.2023, kanë sulmuar me mjete të forta shtetasit J.M. dhe B.M.

Nëpërmjet të dhënave dhe konkluzioneve të aktit të ekspertimit mjeko-ligjor 1620, të datës 24.07.2023, mësohet se në trupin e shtetasit J.M., u konstatua plagë në lëkurën e kokës si dhe shëmbje të indeve të buta të kokës dhe të trupit, dëmtime të shkaktuar me mjet të fortë mbretës, që nuk kanë qenë të rrezikshme për jetën në momentin e shkaktimit dhe si të tillë hyjnë në kategorinë e atyre dëmtimeve që kanë sjellë si pasojë humbje të aftësisë së përkohshme për punë, në masën mbi nëntë ditë.

Ndërsa nëpërmjet të dhënave dhe konkluzioneve të aktit të ekspertimit mjeko-ligjor 1621, të datës 24.07.2023, mësohet se në trupin e shtetasit B.M., u konstatua thyerje e kockës frontale-parietale të anës së djathtë të kokës, pa dëmtime të indit trunor, plagë në lëkurën e kokës, thyerje e kockës ulnare të parakrahut të majtë si dhe shembje të indeve të buta të kokës dheë të trupit, dëmtime të shkaktuar me mjet të fortë mbretës, që nuk kanë qenë të rrezikshme për jetën në momentin e shkaktimit dhe si të tillë hyjnë në kategorinë e atyre dëmtimeve, që kanë sjellë si pasojë humbje të aftësisë së përkohshme për punë, në masën mbi nëntë ditë.

Mbështetur në kriterin mjeksor, të parashikuar në ligj, dëmtimet shtetasve J.M. dhe B. M., e klasifikojnë veprën penale të kryer ndaj tyre si, “Plagosje e lehtë me dashje”, parashikuar nga neni 89 i K. Penal.

Personat nën hetim F.Rr. dhe Xh.Rr., të përfshirë në ngjarje, kanë pasur në duar edhe sende që dukeshin si armë të llojit pistoletë, të cilat i kanë përdorur si mjete për të kanosur viktimat B.M. dhe J.M., duke jua drejtuar atyre, por edhe për të goditur ata në pjesë të ndryshme të trupit. Prej tyre duket se janë konsumuar edhe elemenmtët e veprës penale të “Kanosja”, parashikuar nga neni 84 i K.Penal.

Nga ana e prokurorisë, po vijon kryerja e veprimeve të tjera procedurale në lidhje me procedimin penal në ngarkim të këtyre shtetasve.

SI.E./Shqiptarja.com