Dhunë ndaj policisë, falsifikim dokumentesh dhe drejtim mjeti në gjendje të dehur, në pranga 7 persona në Tiranë

Drejtoria e Policisë Tiranë

Policia e Tiranës ka njoftuar sot se ka vënë në pranga 7 persona të akuzuar për vepra të ndryshime penale.

Është arrestuar një 42-vjeçar pasi ka ka kundërshtuar me dhunë dhe goditur për shkak të detyrës një punonjës policie. Uniformat blu gjithashtu bënë ekzekutimin e vendimit për shtetasin në kërkim Islam Sherra pasi Gjykata e Apelit Tiranë e ka dënuar këtë shtetas me 4 vjet burg, për veprën penale “Falsifikim i dokumenteve”. Në njoftimin e policisë thuhet gjithashtu se 4 persona janë arrestuar për shkak të drejtimit të mjetit në gjendje të dehur ndërkohë që një tjetër pasi ishte pa patentë.

Njoftimi i plotë i policisë

Arrestohen në flagrancë 7 shtetas, njëri prej tyre i shpallur në kërkim, për vepra të ndryshme penale.

Specialistët për Hetimin e Krimit në Komisariatin e Policisë Nr.1, bënë arrestimin në flagrancë të shtetasit F.P., 42 vjeç, pasi në rrugën “Luigj Gurakuqi”, ka kundërshtuar me dhune dhe goditur për shkak të detyrës punonjësin e policisë.

Nga specialistët për Hetimin e Krimit në Komisariatin e Policisë Nr.2, u bë arrestimi në flagrancë i shtetasit E.S., 28 vjeç, i dënuar më parë për veprën penale "Vrasja", e mbetur në tentativë, pasi në bulevardin “Bajram Curri", dyshohet se duke drejtuar mjetin nën efektin e alkoolit apo lëndëve narkotike, nuk i është bindur urdhrit të punonjësve të policisë për të ndaluar, duke tentuar të largohej. Në momentin e kapjes, ky shtetas ka kundërshtuar me dhunë punonjësit e policisë për të shmangur shoqërimin e tij në Komisariat.

Specialistët e Seksionit për Hetimin e Krimit Ekonomiko-Financiar, bënë ekzekutimin e vendimit për shtetasin në kërkim Islam Sherra, sepse Gjykata e Apelit Tiranë, në bashkim të dënimeve për herë të shtatë e ka dënuar këtë shtetas me 4 vjet burg, për veprën penale “Falsifikim i dokumenteve”.

Specialistët e Qarkullimit Rrugor bënë arrestimin në flagrancë të shtetasve :

•L.T., 31 vjeç, pasi në rrugën “Kastriotët”,

u kap duke drejtuar mjetin pa lejen përkatese ;

•V.N., 38 vjeç, F.A., 42 vjeç dhe K.H., 26 vjeç, pasi u kapën në flagrancë nga shërbimet e Policisë duke drejtuar mjetet në gjendje të dehur.

Materialet procedurale i kaluan Prokurorisë pranë Gjykatës së Shkallës së Parë Tiranë.

K.T./Shqiptarja.com
  • Sondazhi i ditës:

    LSI prezanton programin elektoral të njëjtë me atë të vitit 2009 kur erdhi në pushtet. Ju krijon besim realizimi i tij?

Komento


×

Lajmi i fundit

John

Vonesat nga AstraZeneca, BE kërcënon të bllokojë eksportet e vaksinave anti-Covid jashtë bllokut