VIDEOLAJM/ Dhunë policisë teksa po e shoqëronte, arrestohet 32-vjeçari dhe nën hetim në gjendje të lirë e dashura e tij në Vlorë

VLORË- Një situatë e pakëndshme ka ndodhur mbrëmë në Vlorë mes efektivëve të policisë dhe një të reje në Vlorë. Në krye të detyrës, policët ishin duke shoqëruar një djalë, por e dashura e ka marrë në mbrojtje, duke dhunuar efektivët.

Policia e Vlorë ka bërë me sot se ka arrestuar 32-vjeçarin, ndërkohë që kanë hetuar në gjendje të lirë të dashurën e tij 31 vjeçe.

 “Kundërshtuan dhe goditën për shkak të detyrës, punonjësit e Policisë, vihet në pranga 32-vjeçari, procedohet në gjendje të lirë shtetasja që e shoqëronte. Shërbimet e Forcës së Posaçme Shqiponja, gjatë patrullimit në sektor, në bulevardin "Ismail Qemali", kanë konstatuar një automjet tip "Kia", drejtuesi i të cilit kreu parakalim të gabuar, duke shkelur normat e Kodit Rrugor. Menjëherë pas evidentimit, është bërë ndalimi i tij, për të vijuar me tej me verifikimet nga shërbimet e Qarkullimit Rrugor.

LEXO EDHE:
Meta në Vlorë: ‘Nëndetësja 105’ është kthyer në bazë, Sazani do jetë aty ka qenë jetë e mot

Gjatë komunikimit të shkeljes së konstatuar, drejtuesi i automjetit, shtetasi Sh. A., së bashku me shtetasen K. U., e cila e shoqëronte, kanë kundërshtuar dhe goditur për shkak të detyrës punonjësit e Policisë, për të penguar shoqërimin në Komisariat.   Në vijim të veprimeve u arrestua në flagrancë shtetasi Sh. A., 32 vjeç, si dhe u referuan materialet në Prokurori dhe nisi procedimi penal në gjendje të lirë për shtetasen K. U., 31 vjeçe, për veprën penale "Kundërshtimi i punonjësve të Policisë së rendit publik”. Materialet i kaluan Prokurorisë, për veprime të mëtejshme procedurale”, thuhet në njoftimin e policisë.

Në përditësim...

K.T./Shqiptarja.com

TAG:
• Vlore